Sig­ur­mund­ur var dæmd­ur fyr­ir að hafa ekki staðið rík­is­sjóði skil á virðis­auka­skatti og staðgreiðslu op­in­berra gjalda, sam­tals að fjár­hæð 19.216.943 krón­ur.

Sig­ur­mund­ur var fram­kvæmda­stjóri, prókúru­hafi og eini stjórn­ar­maður Vik­ing Tours Vest­manna­eyj­um ehf. og eini stjórn­ar­maður og prókúru­hafi Guðmundu ehf. Hann bar fyr­ir sig við skýrslu­töku að hafa ekki haft um­sýslu fjár­mála fyr­ir­tækj­anna en Lands­rétt­ur sagði að meira þyfti til að koma svo litið yrði fram hjá þeim skyld­um sem að lög­um hvíla á stjórn­ar­manni og fram­kvæmda­stjóra einka­hluta­fé­lags.

Sig­ur­mundi var sem fyrr seg­ir gefið að sök brot á lög­um nr. 50/​1988 um virðis­auka­skatt fyr­ir að hafa ekki staðið rík­is­sjóði skil á virðis­auka­skatti, sem inn­heimt­ur var í rekstri einka­hluta­fé­lags­ins Vik­ing Tours Vest­manna­eyj­um, og brot á lög­um nr. 45/​1987 um staðgreiðslu op­in­berra gjalda fyr­ir að hafa ekki staðið rík­is­sjóði skil á staðgreiðslu op­in­berra gjalda, sem haldið var eft­ir af laun­um starfs­manna einka­hluta­fé­lag­anna Vik­ing Tours Vest­manna­eyj­um ehf. og Guðmundu ehf.

Sam­kvæmt lög­um um virðis­auka­skatt skal fé­sekt­ar­refs­ing vera allt að tí­faldri þeirri fjár­hæð sem und­an var dreg­in skýri skatt­skyld­ur maður t.a.m. af ásetn­ingi eða stór­kost­legu hirðuleysi rangt frá því er máli skipt­ir. Þá skal sekt­in aldrei vera lægri en tvö­föld sú fjár­hæð sem ekki var skilað eða greidd sam­kvæmt skilagrein.

Jafn­framt var fé­lag­inu Guðmundu ehf., sem skráð var á Sig­ur­mund, gert að greiða óskipt með Sig­ur­mundi 10,6 millj­óna sekt til rík­is­sjóðs.