Nýsköpunarfyrirtækið 247golf.net frá Vestmannaeyjum tók þátt í áttundu ráðstefnu golfvallareigenda í Evrópu og kynnti þar bókunarkerfi sem fyrirtækið hefur þróað. Auk þess var fyrirtækið með sýningarbás en eigendur rúmlega 500 golfvalla í Evrópu voru á ráðstefnunni. Sæþór Orri Guðjónsson, framkvæmdastjóri 247golf.net segir að ráðstefnan hafi tekist vonum framar og hafi margir golfvallareigendur verið mjög áhugasamir um lausn fyrirtækisins. �??Við höfum fengið mjög góð viðbrögð og innsýn inn í huga þeirra sem eiga og reka golfvelli í dag. �?að komment sem við höfum heyrt hvað oftast um lausnina okkar er hvað hún er veigamikil og það gleður okkur mikið enda er kerfið búið að vera í stanslausri þróun síðustu 18 mánuði. Við heyrðum það meira segja frá einum af okkar samkeppnisaðila að það væru allir að tala um okkur hérna á ráðstefnunni en það gefur okkur byr undir báða vængi með framhaldið,�?? segir Sæþór Orri.

Sæþór segir jafnframt mikilvægast að nálgast rétta fólkið á ráðstefnum sem þessari og skapa strax tengingu við það. �??Við höfum nú þegar fengið nokkrar beiðnir um samstarf frá öðrum fyrirtækjum innan golfgeirans en þar gætu leynst ýmist tækfifæri sem við skoðum þegar við komum aftur til Íslands. Fyrir þessa ráðstefnu vissu fáir af okkur innan sambandsins en í dag hefur okkur tekist að stimpla okkur rækilega inn. Í morgun tók svo Jóhann Guðmundsson forritari okkar þátt í umræðu panelnum �??Lets talk tech” en þar var rætt um áhrif tækninýjunga, samfélagsmiðla og framtíðaráhrif þeirra á golfmarkaðinn. Sú umræða gekk það vel að eftir umræðuna báðu sambönd evrópskra golfvallareiganda Jóhann um að taka þátt í mótun á kennsluefni um samfélagsmiðla fyrir golfvallareigendur. Dagurinn í dag er síðasti dagurinn á ráðstefnunni og endar ráðstefnan á hádegismat sem er í boði okkar hjá 247golf.net.�??