Helstu verkefni lögreglu frá 10. til 17. desember 2007.
18. desember, 2007

Það var í nógu að snúast hjá lögreglunni í vikunni sem leið og þá mest í kringum rannsókn á bruna í Fiskiðjunni og í kringum dansleik sem haldin var aðfaranótt sl. sunnudags í Týsheimilinu.

Þá þurfti lögreglan að aðstoða fólk vegna óveðurs sem geisuðu hér í sl. viku en nokkuð var um að lausir munir fuku og eins losnuðu þakplötur af húsum. Engin slys urðu á fólki í þessum veðrum sem gengu yfir Eyjarnar í sl. viku.

Þegar hefur verið gerð grein fyrir brunanum í Fiskiðjunni í fjölmiðlum og verður það mál ekki tíundað frekar hér.

Tvær líkamsárásir voru kærðar eftir skemmtanahald helgarinnar og var önnur í Týsheimilinu en þar lenti dyravörður í átökum við einn af gestum staðarins sem endaði með því að ein tönn í honum brotnaði.  Hin árásin átti sér stað á veitingastaðnum Lundanum en í þvi tilviki lentu tveir gestir í átökum og hlaut annar þeirra manna áverka í andlti eftir þau viðskipti.

Lögreglumenn í Vestmannaeyjum óska Eyjamönnum og landsmönnum öllum gleðilegra jóla og hvetur fólk til að ganga hægt um gleðinnar dyr um hátíðarnar.

 

 

 

 

 

 

Skoða blaðið á netinu
Forsida 12 Tbl 2024
12. tbl. 2024
Mest lesið
viðburðir
Fylgstu með

Skráðu þig á fáðu nýjustu tilkynningar fyrst