Day: 5. júlí, 2007

Gaf grænt ljós á Mjólkurbúshverfisblokkir

Skipulagsstofnun fellst á að ekki þurfi að auglýsa deiliskipulag Mjólkurbúshverfisblokkanna á Selfossi að nýju, þar sem ákveðið hefur verið að koma til móts við athugasemdir íbúa með því að lækka hæð húsanna. Stofnunin gerir hins vegar athugasemdir við óvönduð vinnubrögð starfsmanna Sveitarfélagsins Árborgar við nýjan deiliskipulagsuppdrátt. (meira…)

Ánægja í FSu

Á dögunum kom út skýrsla þar sem niðurstöður úr könnun á starfsumhverfi ríkistarfsmanna 2006 eru kynntar. Í samanburði á Fjölbrautaskóla Suðurlands og öðrum stofnunum ríkisins og mælist FSu hærri en allir viðmiðunarhópar þegar kemur að starfsánægju starfsmanna. (meira…)

Bæjarbúar þekki afrek vor, velvilja og framlag til betri heims

Vestmannaeyjar Kæru Eyjamenn og aðrir aðdáendur. Vitanlega vísum vér Fyrirmyndarbílstjórar öllu tali bóndavinafélags kötlu (eða hvað þeir nú heita) um hroka, yfirgang, ónæði og amstur til föðurhúsanna. Meðlimir FBF treysta því að bæjarbúar þekki afrek vor, velvilja og framlag til betri heims. Það hryggir oss að ótíndir pörupiltar skuli nú finna hjá sér hvatir til […]

�?teyjaferð Eyverja á laugardaginn

Vestmannaeyjar Hin árlega og sívinsæla úteyjaferð Eyverja verður farin á laugardaginn og er stefnan að venju sett á Elliðaey. Þar verður grillað, sungið og skemmt sér í góðum félagsskap. Mæting er kl. 18 stundvíslega fyrir framan Kaffi Kró. Verð er 2000 krónur og aldurstakmark miðast við árið 1989. (meira…)

Talsverður straumur gesta á goslokahátíð

Mikill fjöldi gesta var hér um síðustu helgi vegna Shellmótsins í knattspyrnu. Svo virðist sem næsta helgi ætli ekki að verða neinn eftirbátur í því enda goslokahelgin og mikið um að vera í bænum. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.