Day: 10. júlí, 2007

�?tlum að vinna rest fram að �?jóðhátíð

Yngvi Borgþórsson átti góðan leik með ÍBV gegn Íslandsmeisturunum en Yngvi er farinn að sýna gamalkunna takta á vellinum. Hann sagði í samtali við www.sudurland.is eftir leikinn ekki vera sáttur við að vera fallinn úr leik. „Mér fannst við alveg vera inni í þessu í fyrri hálfleik en svo gerðum við ein mistök í byrjun […]

FH-ingar einu númeri of stórir fyrir ÍBV

FH-ingar reyndust einu númeri of stórir fyrir 1. deildarlið ÍBV þegar liðin mættust í 16 liða úrslitum bikarkeppninnar í kvöld á Hásteinsvellinum. Íslandsmeistarar síðustu þriggja ára unnu 0:3 en öll mörkin komu í síðari hállfeik. Það var þó ekki þannig að Hafnfirðingar hefðu ekki þurft að hafa mikið fyrir sigrinum en dýrkeypt mistök ÍBV urðu […]

Innbrot og skemmdir á saltgeymslu

Að morgni sl. sunnudags var lögreglu tilkynnt um að brotist hafa verið inn í Baldurskróna og var maður handtekin þar inni en hann mun hafa farið þar inn ásamt fleirum og náð í bjór sem þar var geymdur. Ekki liggja fyrir upplýsingar hverjir voru með þessum manni og biður lögreglan þá sem einhverjar upplýsingar hafa […]

Bragi dró tæplega tvo hundruð kílóa lúðu úr hafinu

Bragi Steingrímsson, skipstjóri á Þrasa VE 20 dró tæplega tvö hundruð kg. lúðu úr hafinu í dag. Bragi kom með aflann að landi nú síðdegis en auk lúðunnar var hann með um 800 kg. af öðrum afla, mest ufsa. Bragi sagði í samtali við www.sudurland.is að erfiðlega hefði gengið að ná lúðunni um borð en […]

Minningardagar um Tyrkjaránið 1627

Dagarnir 16.-19. júlí 1627 marka einhver dýpstu spor í sögu Vestmannaeyja. Í ár eru 380 ár liðin frá þeim ógnarviðburði sem ævinlega er nefndur Tyrkjaránið. Af þeim um 400 mönnum og konum sem rænt var á Íslandi í þessu mesta sjóráni íslenskrar sögu voru 242 frá Eyjum. (meira…)

Brást kvótakerfið?

Sú ákvörðun Sjávarútvegráðherra að skera þorskkvótann niður um þriðjung hefur eðlilega vakið mikla athygli og umtal. Þessi niðurskurður mun hafa veruleg áhrif á mörg sjávarútvegpláss á landsbyggðinni og væntanlega verða til þess að enn mun munurinn aukast á kjörum fólks að landsbyggðinni og Reykjavíkursvæðinu. (meira…)

Töluverður fjöldi í Skvísusundi

Lögreglan hafði í nógu að snúast í vikunni sem leið og þá sérstaklega um helgina þar sem haldið var upp á goslok sem hefð er komin á fyrstu helgina í júlí ár hvert. Töluverður fjöldi manns kom saman í Skvísusundi í tilefni hátíðarhaldanna en skemmtanahald þar fór að mestu leyti vel fram. (meira…)

Íslandsmeistararnir koma í kvöld

Í kvöld klukkan 19.15 mætast á Hásteinsvellinum, ÍBV og FH. ÍBV leikur í 1. deildinni og fékk því sjálfkrafa heimaleik gegn Íslandsmeisturum síðustu þriggja ára en Hafnfirðingar eru efstir í efstu deild.Heimir Hallgrímsson, þjálfari ÍBV skorar á alla Eyjamenn að mæta á Hásteinsvöllinn til að sjá besta lið landsins mæta því næstbesta. (meira…)

Hvers vegna að gefa loforð sem ekki er staðið við?

Ég vil nú byrja á því að óska okkur Eyjamönnum nær og fjær til hamingju með goslokahátíðina og goslokin.Það er fínt að halda upp á þessi lok með hátíðahöldum.Það ber vissulega að fagna því að á sínum tíma skyldu allir sleppa lifandi frá þeim náttúruhamförum sem okkar litla eyja þurfti að ganga í gegnum. Það […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.