Day: 16. ágúst, 2007

Lundaveiðitímabili lokið

Nú er lundaveiðitímabilinu árið 2007 lokið og fyrir þetta tímabil ákváðu félagar í Bjargveiðifélagi Vestmannaeyja að leyfa lundanum njóta vafans og veiða sér bara í soðið. Lítið hefur verið um sandsíli við Vestmannaeyjar og er það ákveðið áhyggjuefni varðandi næsta lundaveiðitímabil og komandi pysjutíma. Eyjar.net sendu spurningar á nokkra lundaveiðikarla til að fá smá fréttir […]

Stærð Bakkaferju og aðstæður við Bakkafjöru spila saman

Í viðtali sem flutt var á Rás 1 ríkisútvarpsins sunnudaginn 12. ágúst síðastliðinn greindi Grétar Mar Jónsson alþingismaður Frjálslynda flokksins í Suðurkjördæmi frá viðhorfum sínum og skoðunum til áforma um að bæta samgöngur milli Vestmannaeyja og lands með því að byggja ferjuhöfn á Bakkafjöru og halda úti ferju í siglingum milli Vestmannaeyjahafnar og Bakka. Alþingismaðurinn […]

Veglokanir vegna akstursíþrótta

28. alþjóðarallið á Íslandi, Rally Reykjavík, hefst í dag og lýkur á laugardag. Stærstur hluti rallsins er ekinn á Suðurlandi og eru vegir lokaðir almennri umferð á meðan á keppni stendur. (meira…)

Upplýsingaskilti um legstaði í garðinum

Hinn 8. ágúst sl. færðu frú Hrefna Guðmundsdóttir og synir hennar, Kotstrandarkirkjugarði upplýsingaskilti að gjöf til minningar um Sigurð Gísla Guðjónsson, sem fæddur var 21. nóvember 1924 og lést þann 8. ágúst 1995. (meira…)

Kvartað yfir hraðakstri

Íbúar í Búðarhverfi, sunnan við Þorlákshöfn, hafa ritað bæjaryfirvöldum bréf þar sem kvartað er yfir hraðakstri um hverfið. Í bréfinu er lagt til að settar verði upp hraðahindranir á stofnvegi hverfisins, Biskupabraut. Erindið verður tekið fyrir á fundi skipulags- og byggingarnefndar næstkomandi þriðjudag. (meira…)

Athugasemdir vegna ummæla Grétars Mars Jónssonar alþingismanns um áform um Bakkahöfn

Í viðtali sem flutt var á Rás 1 ríkisútvarpsins sunnudaginn 12. ágúst síðastliðinn greindi Grétar Mar Jónsson alþingismaður Frjálslynda flokksins í Suðurkjördæmi frá viðhorfum sínum og skoðunum til áforma um að bæta samgöngur milli Vestmannaeyja og lands með því að byggja ferjuhöfn á Bakkafjöru og halda úti ferju í siglingum milli Vestmannaeyjahafnar og Bakka. Alþingismaðurinn […]

Biðlistum útrýmt

Á mánudag voru vígðar tvær nýjar deildir við leikskólann Óskaland í Hveragerði. Öllum börnum frá 18 mánaða aldri í Hveragerði er þar með tryggt leikskólapláss, að sögn Aldísar Hafsteinsdóttur bæjarstjóra. Reiknað er með að deildirnar verði komnar í fulla notkun í haust. (meira…)

Pósturinn vill lóð við Miðstræti

Á fundi umhverfis- og skipulagsráðs Vestmannaeyja lá fyrir umsókn frá Íslandspósts ehf. sækir um lóðir nr. 20 til 24 við Miðstræti. Óskað er eftir að sameina lóðirnar undir byggingu nýs pósthúss og póstdreifingarstöðvar í Vestmannaeyjum. (meira…)

Svekkelsi og paprikur

Það var frekar svekkjandi að vera ekki með í leiknum um helgina. Bæði vegna þess að liðin tvö sem mættust, Hannover og Hamburg eru erkióvinir, og tveir af mínum bestu vinum voru hér í heimsókn og komu á leikinn. Strákarnir sem komu til mín eru báðir æskufélagar úr Vestmannaeyjum. Annar þeirra hefur komið nokkrum sinnum […]

Arnór bakari í byggingahugleiðingum

Á síðasta fundi umhverfis- og skipulagsráðs lá fyrir umsókn frá Arnóri Hermannssyni og Helgu Jónsdóttur f.h. Baksturs og veislu ehf. um lóð nr. 29 til 31 við Vestmannabraut fyrir byggingu á iðnaðar- og verslunarhúsi. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.