Day: 12. nóvember, 2007

Mál Dala-Rafns á hendur olíufélögunum aftur í héraðsdómi

Fyrirtaka verður í dag í máli útgerðarfélagsins Dala-Rafns í Vestmannaeyjum á hendur stóru olíufélögunum þremur vegna tjóns sem útgerðarfélagið telur sig hafa orðið fyrir vegna samráðs félaganna á tíunda áratug síðustu aldar. Þetta er í annað sinn sem málið kemur fyrir dóminn. Héraðsdómur vísaði máli Dala-Rafns á hendur Keri og Olíuverslun Íslands frá í september […]

Ekkert álver í �?orlákshöfn?

Eftir ákvörðun Landsvirkjunar um að selja ekki orku til fleiri virkjana á suðvestur horni landsins er nokkuð ljóst að ekkert verður af hugmyndum um álver við Þorlákshöfn. Hvað þýðir það? Verður stórskipahöfn blásin af þar? Var álverið ekki forsenda slíkra hugmynda? Það er ljóst að ef hugmyndir hóps Eyjamanna sem vilja frekar hraðskreiðara skip í […]

Jarl tók við sprota Stefáns hjá Lúðrasveit Vestmannaeyja.

Um helgina var í boði mikil og metnaðarfull dagskrá vegna Nótt Safnanna sem að Vestmannaeyjabær stóð fyrir. Hátíðin hófst á föstudaginn með setningu í Stafkirkjunni en þar söng Jarl Sigurgeirsson sálma við undirleik Guðmundar Guðjónssonar. Á laugardaginn voru svo árlegir tónleikar Lúðrasveitar Vestmannaeyja en á þeim tónleikum tók Jarl Sigurgeirsson við sprota stjórnanda lúðrasveitarinnar úr […]

Jarl tók við sprotanum hjá Lúðrasveit Vestmannaeyja

Styrktarfélagatónleikar Lúðrasveitar Vestmannaeyja voru haldnir á laugardag í tengslum við menningarhátíðina Nótt safnanna. Tónleikarnir þóttu afar vel heppnaðir en á tónleikunum fóru fram stjórnendaskipti hjá sveitinni. Stefán Sigurjónsson lét af störfum eftir um 20 ára starf en við sprotanum tók Jarl Sigurgeirsson. (meira…)

Aðalfundur Golfklúbbs Vestmannaeyja

Þann 8.nóvember síðastliðinn var haldinn aðalfundur Golfklúbbs Vestmannaeyja en á komandi ári verður golfklúbburinn 70.ára og ætlar golfklúbburinn að fagna þeim áfanga með margvíslegum hætti. Helgi Bragason var endurkjörinn formaður en aðrir í stjórn eru Haraldur Óskarsson, Hörður Óskarsson, Ragnar Baldvinsson og Böðvar Bergþórsson. Varamenn í stjórn eru Sigurjón Pálsson og Jón Pétursson. Á aðalfundinum […]

Gyða Arnórsdóttir í 3.sæti í þrekmeistaranum á Akureyri

Um helgina fór fram á Akureyri keppni í þrekmeistaranum en keppnin fellst í því að klára 10 greinar á sem stystum tíma. Þessar 10 greinar eru: þrekhjól, róðravél, niðurtog í vél, fótalyftur, armbeygjur, kassauppstig, uppsetur, axlapressa, hlaupabretti og bekkpressa. Í ár var Gyða Arnórsdóttir í 3.sæti í opnum kvennaflokki á tímanum 18:43:45. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.