Mál Dala-Rafns á hendur olíufélögunum aftur í héraðsdómi

Fyrirtaka verður í dag í máli útgerðarfélagsins Dala-Rafns í Vestmannaeyjum á hendur stóru olíufélögunum þremur vegna tjóns sem útgerðarfélagið telur sig hafa orðið fyrir vegna samráðs félaganna á tíunda áratug síðustu aldar.

Þetta er í annað sinn sem málið kemur fyrir dóminn. Héraðsdómur vísaði máli Dala-Rafns á hendur Keri og Olíuverslun Íslands frá í september síðastliðnum vegna vanreifunar en Skeljungur fór ekki fram á frávísun heldur sýknu.

Hæstiréttur úrskurðaði svo í síðasta mánuði að málatilbúnaður Dala-Rafns væri nægilega skýr þannig að ekki ætti að vísa málinu frá. Felldi Hæstiréttur því frávísunarúrskurðinn úr gildi og lagði fyrir héraðsdómara að taka málið til efnismeðfeðar.

Forsvarsmenn Dala-Rafns krefja félögin þrjú um rúmar átta milljónir króna vegna þess tjóns sem þeir telja sig hafa orðið fyrir vegna ólögmæts samráðs olíufélaganna á árunum 1996-2001.

Tveir héraðsdómar hafa þegar fallið þar sem olíufélögunum hefur verið gert að greiða skaðabætur vegna samráðs. Í öðru tilvikinu var Keri gert að greiða Sigurði Hreinssyni á Húsavík 15 þúsund krónur í skaðabætur vegna tjóns hans af samráðinu og þá voru Reykjavíkurborg dæmdar 78 milljónir króna í bætur vegna tjóns borgarinnar af völdum samráðs olíufélaganna. Bæði málin nú meðferðar hjá Hæstarétti.

 

 

Nýjustu fréttir

Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Fiskur fjórum sinnum í viku á Breka VE
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.