Day: 18. desember, 2007

Eyjastemmning Egils

Eyjaflotinn er nú að tínast höfn fyrir jólin. Ýmist eru síldveiðiskipin búin með kvótann eða einfaldlega komin í jólafrí. Sama má segja með trollskipin, þau eru sum hver komin í jólafrí eða rétt ókomin. Egill Egilsson brá sér í kvöldgöngu í blíðunni og eins og oft lá leið hans niður að höfn. (meira…)

Bruni, óveður og átök

Það var í nógu að snúast hjá lögreglunni í vikunni sem leið og þá mest í kringum rannsókn á bruna í Fiskiðjunni og í kringum dansleik sem haldin var aðfaranótt sl. sunnudags í Týsheimilinu. (meira…)

Helstu verkefni lögreglu frá 10. til 17. desember 2007.

Það var í nógu að snúast hjá lögreglunni í vikunni sem leið og þá mest í kringum rannsókn á bruna í Fiskiðjunni og í kringum dansleik sem haldin var aðfaranótt sl. sunnudags í Týsheimilinu. Þá þurfti lögreglan að aðstoða fólk vegna óveðurs sem geisuðu hér í sl. viku en nokkuð var um að lausir munir […]

Bókmenntakvöld á Kaffi Kró í kvöld

Bókmenntakvöld verður á Kaffi Kró í kvöld og hefst klukkan 20.00 Kynntar verða mest seldu bækur bókaforlagsins Veraldar, Aska eftir Yrsu Sigurðardóttur og Guðni – af líf og sál eftir Guðna Ágústsson. (meira…)

Engin lán til kvótakaupa

Svo virðist sem bankarnir hafi lokað fyrir lánveitingar vegna kvótakaupa í þorski vegna þess að verð er talið of hátt, að því er Vilhjálmur Ólafsson hjá Viðskiptahúsinu sagði í samtali við nýjustu Fiskifréttir. Iðulega hafa komist á samningar milli kaupenda og seljenda í haust um verð á varanlegum heimildum en bankarnir hafa sent þá til […]

Jólafár eftir Stefán Þór Steindórsson

www.eyjar.net hefur ákveðið að setja á síðuna eitt jólalag á hverjum degi fram að jólum og í dag byrjum við á jólalagi eftir eyjamanninn Stefán Þór Steindórsson. Stefán setti nýverið á netið til spilunar jólalagið Jólafár en það er Stefán sem semur lag og texta lagsins. Lagið fjallar um það að það eru ekki allir […]

Pínleg misstök í jólastressinu

Já það var heldur en ekki pínleg staða sem ég lenti í fyrr í dag. Þannig er að ég hafði samið jólalag og langaði að deila því með nokkrum vel völdum einstaklingum sem ég þekki. Lagið er á myspace síðunni hjá Mekbuda og því auðvelt að senda bara link á alla á msn contact listanum […]

Aflaverðmæti jókst um 4 milljarða

Aflaverðmæti íslenskra skipa nam 62,3 milljörðum króna á fyrstu níu mánuðum ársins 2007, samkvæmt heimildum Hagstofu Íslands samanborið við 58,3 milljarða á sama tímabili 2006. Aukningin nemur eða 6,9% milli ára. Aflaverðmæti septembermánaðar var 4,3 milljarðar og lækkar um 1,6 milljarð frá september í fyrra. (meira…)

Þetta toppar endann á góðu ári

Margrét Lára Viðarsdóttir var í gær kjörin knattspyrnukona ársins hér á landi í þriðja sinn og annað árið í röð. Hún átti frábært ár með Val og landsliði Íslands og sló markamet með báðum liðum þrátt fyrir að vera ung að árum. ,,Ég átti alveg eins von á þessu en það voru þrjár frábærar knattspyrnukonur […]

Í jólaboð til ömmu bróður míns

Á stórhátíðum reynir á foreldra og þá skýrast fjölskyldutengslin upp sem hjá sumum eru orðin ansi flókin. Hvernig verður þetta hjá okkur um jólin?Nú þegar hin mikla fjölskylduhátíð nálgast standa yfir samningaviðræður í mörgum fjölskyldum um hvar börnin eigi að vera um jól og áramót. Hverjir ætla að vera hvar  á aðfangadag og hvernig umgengnin […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.