Day: 23. janúar, 2008

Heilsudagar í Skálholti

Um helgina verða heilsudagar með fjölbreyttri dagskrá í Skálholti. Markmið heilsudaga er að tengja saman kyrrð og heilsu til líkama og sálar. Þessir dagar eru opnir öllu áhugafólki um kyrrð og heilsu. Umsjón hafa Bergþóra Baldursdóttir sjúkraþjálfari, Helga Hróbjartsdóttir kennari, Hróbjartur Darri Karlsson hjartalæknir, Kristinn Ólason rektor Skálholtsskóla og Sigrún Gunnarsdóttir hjúkrunarfræðingur. Skráning er þegar […]

�?orrablót sem aldrei fyrr!

Þann 1. febrúar nk. ætlar Kvenfélag Hrunamannahrepps að halda þorrablót í fyrsta sinn. Fyrir allnokkrum árum sá Björgunarfélagið Eyvindur um þorrablót til margra ára hér í hreppnum en þegar þau blót lögðust af, tók Hótel Flúðir við boltanum og hefur haldið þorrablót fyrir Félag eldri borgara og jafnframt annað þorrablót fyrir almenning allan. Þegar sýnt […]

Almenningssamgöngur hófust í gærmorgun

Ókeypis almenningssamgöngur milli þéttbýliskjarnanna í Árborg hófust í gær, miðvikudagsmorgun. Eknar verða sex ferðir á dag auk þess sem þrjár áætlunarferðir Þingvallaleiðar, sem tengjast áætlunarferðum við Reykjavík, eru fléttaðar inn í áætlunina. Í þeim ferðum er þó um að ræða aðra akstursleið innan þéttbýliskjarnanna. Leiðakorti og tímaáætlun hefur verið dreift inn á öll heimili og […]

FSu fer norður

Dregið var í 8-liða úrslit í Gettu betur, spurningakeppni framhaldsskólanna, á þriðjudagskvöld. Lið Fjölbrautaskóla Suðurlands dróst gegn Menntaskólanum á Akureyri. (meira…)

Erfiðleikar í færðinni

Síðasta helgi var fremur róleg hjá lögreglunni á Selfossi utan hvað nokkrir ökumenn áttu í erfiðleikum í hálku og slæmri færð. Lögregla fékk tilkynningar um 20 umferðaróhöpp í vikunni.Þar á meðal voru bílveltur við Kögunarhól á sunnudag og við Þingborg á mánudag. Ökumenn og farþega sakaði ekki í þessum óhöppum. (meira…)

Fréttir og Kastljós í beinni frá Eyjum

Þakkagjörð fer fram í dag, miðvikudag 23 janúar, og litið til þess að allir íbúar Heimaeyjar björguðust þegar eldgos hófst á Heimaey fyrir 35 árum. Blysför hefst klukkan 18.45 stundvíslega frá Ráðhúsinu, ekki klukkan 19.00 eins og áður var auglýst, og fólk beðið um að mæta klukkan 18.30 til að undirbúa blys. Gengið verður sem […]

�?órarinn Ingi til reynslu hjá belgísku úrvalsdeildarliði

Þórarinn Ingi Valdimarsson leikmaður ÍBV mun halda til reynslu hjá belgíska úrvaldsdeildarliðinu, KV Mechelen í byrjun næsta mánuðar. Þórarinn sem er 17 ára gamall heldur út þann 3. febrúar og verður í viku. KV Mechelen er í botnbaráttu í belgísku deildinni en liðið er í fimmtánda sæti eftir 18 leiki með 15 stig. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.