Day: 29. maí, 2008

Eins og að vera fleka úti á sjó

Öflugur jarðskjálfti sem varð klukkan 15.45 og var samkvæmt síðustu upplýsingum 6,7 á Ricther og átti upptök sín suðvestur af Selfossi fannst vel í Vestmannaeyjum. (meira…)

Tímasetningar endurstilltar

Síðustu daga hefur verið unnið við að breyta tímasetninum á umferðarjósunum á gatnamótum Heiðarvegs og Bessastíg. Eins og kunnugt er hafa þessi ljós verið að pirra suma óþolinmóða vegfarendur. Biðtími á rauðu ljósi hefur verið styttur úr 40 sekúndum í 20 sekúndur en grænt ljós logar stöðugt fyrir umferð á Heiðarvegi nema þegar umferð kemur […]

Birkir Ívar skrifar undir hjá Haukum

Landsliðsmarkvörðurinn Birkir Ívar Guðmundsson hefur ákveðið að snúa heim til Hauka í sumar og hefur gert 3 ára samning við félagið. Birkir Ívar fór í atvinnumennsku frá Haukum árið 2006 og hefur hann leikið með TUS N-Lübbecke í Þýskalandi síðastliðin 2 tímabil. Birkir Ívar er 32 ára og hefur leikið 145 landsleiki fyrir Ísland. (meira…)

Gangið til samninga við Eyjamenn eða yfirtakið tilboð þeirra

Fjöregg Vestmannaeyinga hefur verið til meðferðar á Alþingi, í samgönguráðuneyti og Siglingastofnun síðustu daga og vikur. Þarna á ég við málefni Landeyjahafnar sem á verða tilbúin árið 2010 og um mitt það ár á ný ferja að vera tilbúin til að hefja siglingar milli hennar og Eyja. (meira…)

Ríkið vill lengri frest

Rétt fyrir hádegi barst Eyjamönnum, Vestmannaeyjabæ og Vinnslustöðinni, ósk um frekari frest á svari ríkisins vegna tilboðs þeirra í smíði á ferju í Landeyjahöfn. (meira…)

Eyjamenn gagnrýna ríkisstjórnina vegna ferjusmíði

Ríkisstjórnin hefur fjallað í tvígang um tilboð Vestmannaeyjabæjar og Vinnslustöðvarinnar í smíði og rekstur nýrrar farþegaferju án niðurstöðu, segir í bókun bæjarráðs Vestmannaeyja í gær. Kristján L. Möller samgönguráðherra segir að heimildir Eyjamanna séu ekki réttar og enginn ágreiningur sé innan ríkisstjórnarinnar um málið. Bæjarstjóri hefur engar upplýsingar fengið um framvindu málsins eftir að svarfrestur […]

Fleiri farþegaskip til Vestmannaeyja

Átján skemmtiferðaskip koma til Vestmannaeyja í sumar, sem er töluverð fjölgun frá því sem verið hefur undanfarin ár þegar um tíu skip hafa að jafnaði komið yfir sumarið. Að sögn Andrésar Sigurðssonar, hafnsögumanns í Vestmannaeyjum, er ekki gert ráð fyrir að um tilfallandi fjölgun sé að ræða. Samkvæmt upplýsingum 24 stunda verður ekki sambærileg fjölgun […]

Sjómannadagurinn á Eyrarbakka

Kl. 10 hjólaskoðun Slysavarnaskýlið Kl. 13 hjólakeppni við skýlið og dorgveiðikeppni að því loknu Um Kl. 14 verður boðið upp á skerjasiglingu Kl. 14. Hátíðarmessa í Eyrarbakkakirkju. Að lokinni messu verður gengið að Vesturbúðarlóð og blómsveigur lagður að minnisvarðanum um drukknaða sjómenn. Frá kl. 15. Sjómannadagskaffi á Stað, á vegum Slysavarnadeildarinnar Bjargar, Eyrarbakka (meira…)

Færri banaslys á sjó

Sjómennska hefur löngum verið eitthvert hættulegasta starf sem hægt er að stunda hér við land, svo tíð voru slys um borð og svo oft fórust skip. Á síðustu árum hefur slysunum fækkað og munar að sjálfsögðu mest um fækkun banaslysa. Ástæðurnar eru margvíslegar, m.a. gjörbreytt fjarskipti, tilkynningarskylda, öruggari skip, breytingar á fiskveiðistjórnunarkerfinu og á sjósókn, […]

Sjómannadagurinn á Stokkseyri

11.00 Hátíðarguðþjónusta í Stokkseyrarkirkju.Blómsveigur lagður að minnisvarða um drukknaða sjómenn. 13.30 Skemmtidagskrá á íþróttavellinum. Kassaklifur, stígvélaþeyta, reiptog, boðhlaup. Við Stokkseyrarhöfn: Koddaslagur og skemmtisigling Fólk er hvatt til að taka þátt í koddaslag Það er Björgunarfélag Árborgar sem sér um Sjómannadaginn á Stokkseyri. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.