Day: 19. september, 2008

Yfirfull fangelsi á landinu

Fangelsi landsins eru yfirfull og hafa fangelsisyfirvöld neyðst til að vista fanga á lögreglustöðvum og tvímennt er í um tíu klefum á Litla Hrauni. Meðal annars hefur verið skoðað hvort hægt sé að vista fanga í gámum. Fangelsi landsins rúma ekki lengur á álagstímum alla þá sem dæmdir eru til afplánunar í landinu. (meira…)

Séra Gunnar Björnsson giftir þrátt fyrir leyfi frá störfum

Séra Gunnar Björnsson, fyrrverandi sóknarprestur á Selfossi, ætlar að framkvæma hjónavígslu í Stokkseyrarkirkju á morgun þrátt fyrir að hafa verið settur í leyfi frá störfum. Samkvæmt hjúskaparlögum er slíkt heimilt að því gefnu að hann fái starfandi prest til að færa hjónavígsluna í kirkjubók. Gunnar var í vikunni leystur frá störfum eftir að hafa verið […]

Humar sendur með flugi og beint inn í Veisluturninn í Reykjavík

Í hádeginu í dag var gerð áhugaverð tilraun þegar lifandi humar var fluttur flugleiðina frá Vestmannaeyjum til Reykjavíkur og beint inn í hinn glæsilega veitingastað Veisluturninn, þar sem Eyjamaðurinn Sigurður Gíslason er allt í öllu. Sendingin er hluti af alþjóðlegu verkefni sem sextán fyrirtæki taka þátt í, m.a. Vinnslustöðin, Þekkingarsetur Vestmannaeyja, Háskóli Íslands og Veisluturninn […]

Bændaglíman í dag

Nú sér fyrir endann á golfsumrinu en síðasta mót sumarsins ár hvert hjá Golfklúbbi Vestmannaeyja er Bændaglíman. Mótið fer fram í dag og hefst klukkan 17.00. Mótið fer þannig fram að skipt er í tvö lið, líkt og í Ryderkeppninni og mun tapliðið þjóna sigurliðinu til borðs í veislu í mótslok. Fyrirliðar sveitanna eru í […]

Uppskeruhátíð í Gónhól á Eyrarbakka

Nú eru bændur og búalið að uppskera á fullu það sem sáð var til sl. vor og því ætla bændur á Suðurlandi að kynna og selja afurðir sínar í Gallerí Gónhól á Eyrarbakka um helgina, 20. og 21. september. Jafnframt fer fram í Gónhólnum síðasta myndlistarkeppni sumarsins í listasmiðju barna sunnudaginn 21. september kl. 15:00. […]

Bjargið kom úr kletti í Klifinu

Blaðamaður Eyjafrétta skaust upp á Klif nú í morgun með Jóni Sighvatssyni, rafeindavirkja en enginn hefur farið jafn oft upp á fjallið og Jón. Eins og fram kom hér á vefnum fyrr í vikunni féll stærðarinnar bjarg úr Klifinu, líklega um 30 tonn að þyngd og endaði aðeins um meter frá vegslóða í Friðarhöfn. Nú […]

�?að er hollt að hlægja

Það er hollt að geta hlegið. Sumir hafa þann góða eiginleika að hlægja smitandi hlátri. Hvaða Eyjamaður þekkir t.d. ekki þegar Guðgeir Matthíasson hlær. – Þá hlægja allir í kringum hann, þótt ekkert fyndið sé í gangi, nema hláturinn hans. Hér er lítið myndband um ungan dreng, sem hefur þennan eiginleika. (meira…)

Uppskeru- og réttarhátíð 24. september

Hrútavinafélagið Örvar á Suðurlandi boðar til uppskeru- og réttarsamkomu miðvikudagskvöldið 24. september nk. kl. 20:00 í einu af félagsheimilum sinna manna í Veitingahúsinu Hafinu bláa við Ölfusárósa. Þakkað verðu gott og gjöfult sumar til lands og sveita og fagnað upphafi vertíðar til sjávarins. Á borðum verður rammíslensk kjötsúpa og þjóðleg hausastappa úr þorskhausum. (meira…)

Hvergerðingar keppa í kvöld

Keppnislið frá Hveragerði keppir í kvöld föstudag 19. september kl. 20:15 í spurningaþættinum Útsvari í Ríkissjónvarpinu. Liðið keppir við fulltrúa Norðurþings. Lið Hveragerðis: Svava Hólmfríður Þórðardóttir, lyfjafræðingur, Sævar Þór Helgason, grunnskólakennari og Njörður Sigurðsson, sagnfræðingur. (meira…)

Geðheilbrigðisþjónusta fyrir almenning

Í framhaldi af samningi um tilflutning verkefna var ákveðið að efla og bæta geðþjónustu við almenning á Suðurlandi. Þann 1. september sl. hófst þessi starfsemi og hefur Dröfn Kristmundsdóttir, geðhjúkrunarfræðingur hefur verið ráðin til starfa við HSu. Hún mun starfa sem deildarstjóri hjúkrunar í fangelsinu á Litla Hrauni auk þess sem hún mun að hluta […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.