Day: 21. september, 2008

Nýr starfsmaður á skrifstofu

Guðrún Elísa Gunnarsdóttir hóf störf á skrifstofu Flóahrepps 1. september s.l. Hún verður í 50% stöðugildi og mun annast símsvörun og önnur almenn skrifstofustörf. Guðrún Elísa býr í Hólshúsum, Flóahreppi og var boðin velkomin til starfa m.a. á ágætri heimasíðu Flóahrepps, www.floahreppur.is (meira…)

Tveir fyrstu til Litháen í vikunni

TVEIR litháískir karlmenn, sem nú sitja bak við lás og slá á Litla-Hrauni, verða væntanlega sendir til föðurlands síns í vikunni þar sem þeir munu ljúka við afplánun á dómum sem þeir hlutu hér á landi, samkvæmt upplýsingum frá Fangelsismálastofnun. Þetta eru fyrstu fangarnir sem sendir eru til Litháens samkvæmt samkomulagi við þarlend stjórnvöld. Litháísk […]

Hlutur tíu stærstu útgerðanna eykst

Tíu stærstu útgerðir landsins ráða 52,8% heildarkvótans. Er það örlítið meira en í maí þegar Fiskistofa gaf síðast út lista yfir stærstu útgerðirnar. HB Grandi hf. er sem fyrr kvótahæsta félagið, með liðlega 11% heildarkvótans, heldur minna en í vor. Fiskistofa hefur reglulegt eftirlit með kvóta stærstu handhafa aflaheimilda og eignatengslum þeirra og gefur út […]

Opnun hafnarmannvirkja í �?orlákshöfn

Fimmtudaginn 18. september 2008 voru ný hafnarmannvirki í Þorlákshöfn formlega tekin í notkun. Framkvæmdir hafa staðið yfir frá árinu 2004. Framkvæmdum við fiskiskipahöfn er þá formlega lokið samkvæmt því skipulagi sem lagt var upp með í byrjun síðasta kjörtímabils. (meira…)

Iðjuþjálfi ráðinn á HSu

Fanney B. Karlsdóttir iðjuþjálfi hóf störf við Heilbrigðisstofnun Suðurlands 1. september s.l. Hún mun starfa við Réttargeðdeildina á Sogni í 50% starfshlutfalli og við hjúkrunardeildirnar á Selfossi í 50% starfshlutfalli. Fanney útskrifaðist sem iðjuþjálfi frá Vardhögskolan í Lundi 1996. Hún hefur lengst af starfað á geðsviði Landspítala og sem yfiriðjuþjálfi frá árinu 2000. (meira…)

Framkvæmdalok í Grunnskólanum í �?orlákshöfn

Opið hús var í Grunnskólanum í Þorlákshöfn fimmtudaginn 18. september 2008 í tilefni þess að lokið hefur verið við endurbætur á skólanum sem staðið hafa frá árinu 2004. Helstu framkvæmdir eru bygging 1400 fm. viðbyggingar við skólann sem lokið var við árið 2005. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.