Day: 5. október, 2008

Fjölgar sem fyrr í Sveitarfélaginu Árborg

Á fundi í Veitu- og framkvæmdastjórn Sveitarfélagsins Árborgar sem haldinn var 2. okt. sl. kom eftirfarandi fram um íbúafjölda í Árborg: 29. september 2008 eru 7894 skráðir íbúar í Árborg. Á Selfossi eru skráðir 6531Í Sandvík 191Á Eyrarbakk og dreifbýli 601Á Stokkseyri og dreifbýli 555Óstaðsettir 16 Hinn 21. ágúst var íbúafjöldinn þessi: (meira…)

Gunnar Heiðar tryggði Esbjerg fyrsta sigurinn

Gunnar Heiðar Þorvaldsson var hetja Esbjerg í dag þegar liðið vann sinn fyrsta sigur dönsku úrvalsdeildinni í knattspyrnu. Gunnar skoraði sigurmark liðsins í 1-0 sigri á AGF. Stigin þrjú nægðu til að koma Esbjerg af botni deildarinnar, en liðið situr eftir sem áður í fallsæti með aðeins 6 stig eftir 9 leiki. (meira…)

RIFF myndir sýndar á Selfossi

Dagana 5.-7. október verða sýndar þrjár kvikmyndir frá Reykjavík International Film Festival í Sambíóunum á Selfossi. Myndirnar heita Afterschool, Up the Yangtze og Heavy Metal in Baghdad og voru þær valdar með það í huga að höfða til ungs fólks á aldrinum 16-25 ára. Um Myndirnar: (meira…)

Guðbjörg seldi Glitnishlut korteri fyrir þjóðnýtingu

Athafnakonan Guðbjörg Matthíasdóttir seldi lungann úr 1,71% hluti sínum í Glitni á fimmtudaginn 25. eða föstudaginn 26. september korteri áður en bankinn var þjóðnýttur. Hún var sú eina af tuttugu stærstu hluthöfum bankans sem seldi hlut sinn í vikunni fyrir þjóðnýtingu. Gunnlaugur Sævar Gunnlaugsson, sem hefur verið helsti ráðgjafi Guðbjargar í viðskiptum á undanförnum árum, […]

A-sveit Eyjamanna leiðir 2. deildina

Fyrri umferð Íslandsmótsins í skák fór fram nú um helgina en A-sveit Taflfélags Vestmannaeyja leikur í 2. deild eftir að hafa fallið úr 1. deild síðasta vetur. Eyjamenn leiða 2. deildina þegar þremur umferðum af sjö er lokið en Eyjamenn hafa unnið allar sínar viðureignir, samtals með fjórum og hálfum vinningi gegn hálfum. Í dag […]

Sumarið 2008 með hlýrri sumrum

Samkvæmt yfirliti frá Veðurstofunni var sumarið (júní til september) mjög hagstætt um nær allt land. Það fór þó nokkuð hægt af stað við norðaustur- og austurströndina þar sem fremur kalt var í júní. Meðalhiti sumarsins í Reykjavík var 11,0 stig. Ívið hlýrra var sumurin 2003, 1941 og 1939. Sumarið telst því hið fjórða hlýjasta í […]

Almenningi kennt að lifa af kreppu

Sláturgerð er komin í tísku aftur og má merkja metsölu á hráefni til sláturgerðar hjá söluaðilum. Ástæðan er væntanlega sú að nú þurfa heimili landsins að huga æ meira að matarreikningnum og finna leiðir til að lækka hann. Þar kemur slátrið sterkt inn enda hollur, góður og ekki síst ódýr matur. (meira…)

Segja nóg lausafé í Borgarnesi

Þótt ýmsar blikur séu á lofti í fjármálaheiminum og ekki mikið af lausafé í umferð var enginn skortur á því í Borgarnesi í gær þegar Sauðamessa hófst þar með fjárrekstri í gengum bæinn. Rekið var frá Dvalarheimili aldraðra, á móti Hyrnunni, eftir aðalgötunni að Skallagrímsgarði. Þar var búið að koma fyrir rétt og þangað sá […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.