Day: 30. apríl, 2009

Áhyggjufullir svínabændur

Svínabændur hafa áhyggjur af því að ef svínaflensa greinist hér á landi þá berist hún frá mönnum í svín. Svínabúin eru þó nokkuð lokuð sem getur hjálpað þeim að koma í veg fyrir að svo fari. Yfirdýralæknir sendi í morgun öllum svínabændum bréf þar sem þeir eru hvattir til að fara yfir smitvarnir hjá sér […]

Konukvöld á Ráðhúskaffi í kvöld

Heilsudögum í Þorlákshöfn lýkur í kvöld en þeir hafa staðið yfir alla vikuna. Frítt hefur verið í sund og líkamsrækt auk þess sem íbúar Ölfuss hafa getað spilað golf endurgjaldslaust. (meira…)

Risahumrar á Höfn

Í morgun voru nokkrir risahumrar á sveimi á Höfn í Hornafirði. Þetta voru útskrifarnemendur Framhaldsskólans í Austur-Skaftafellssýslu að gera sér dagamun á síðasta kennsludegi. (meira…)

�?breytt miðaverð í Dalinn

Þjóðhátíðarnefnd hefur tekið þá ákvörðun að hækka ekki miðaverð í dalinn. Ekkert verður slegið af í skemmtannahaldi enda Eyjamenn ekki þekktir fyrir annað en gera þetta almennilega eða bara sleppa því. Miðaverðið er því 10.900 kr í forsölu en 12.900 við innganginn. (meira…)

Herrakvöld Síldarútvegsnefndar ÍBV verður haldið á morgun

Annað kvöld heldur Síld­ar­útvegsnefnd ÍBV herrakvöld í Týsheimilinu þar sem boðið verður upp á mikla veislu í mat og drykk og öflugri skemmti­atriðum en menn eiga að venjast, m.a.s. í Vestmannaeyjum. Glæsilegir vinningar eru í boði og haldið verður uppboð á verk­um helstu listamanna nútímans. Þá mun Heimir þjálfari kynna ÍBV-liðið og ræðumaður kvölds­ins er […]

�?ll kynbótahross kvikmynduð

Fyrirtækið Ben Media í Hveragerði áætlar að kvikmynda öll kynbótahross á sýningum sem haldnar verða í Reykjavík, Hafnarfirði og á Hellu. Fyrirtækið var stofnað um mitt ár 2008 og hefur frá þeim tíma boðið upp á þá þjónustu að kvikmynda kynbótahross fyrir eigendur. Á þriðja hundrað hross hafa verið mynduð. (meira…)

Pylsuvagninn á Selfossi þrefaldaður

Það er engin kreppa hjá Ingunni Guðmundsdóttur og starfsfólki hennar í Pylsuvagninum á Selfossi því nú er verið að stækka vagninn um 52 fermetra, úr 28 í 80. Þriðjudaginn 9. júní verður þessi vinsæla stoppistöð við Ölfusárbrúna 25 ára og verður haldið upp á afmælið laugardaginn 13. júní. (meira…)

Ekið á tvö hross í Árnessýslu

Jeppa var ekið á tvö hross á Skeiðavegi í Árnessýslu á ellefta tímanum í gærkvöldi með þeim afleiðingum að annað hrossið drapst samstundis en hitt meiddist talsvert. Ökumann jeppans sakaði ekki, en bíllinn stórskemmdist og þurfti að fjarlægja hann með kranabíl. (meira…)

Trippasýning í nýju reiðhöllinni á Flúðum

Hin árlega trippasýning Hrossaræktarfélags Hrunamanna sem haldin var á dögunum var fyrsta sýningin í nýju reiðhöllinni á Flúðum. Sýnd voru 36 veturgömul tryppi, 7 ungfolar og tveir stóðhestar sem verða til útleigu hjá Hrossaræktarfélaginu í sumar. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.