Day: 6. október, 2009

Prjónakaffi á Volcano í kvöld

Í kvöld kl 20:00 ætla Prjónakaffiskonur og -karlar að hittast á Volcano Café í fyrsta Prjónakaffinu í vetur. Væntanlega verður tekið í nokkra prjóna og skorað á bæði konur og karla að láta sjá sig. Allir velkomnir með prjóna, hekl eða útsaum, nú eða bara til að spjalla, fá ráðleggingar, hugmyndir og skiptast á uppskriftum. […]

Fimm af tíu þingmönnum mættu

Fimm af tíu þingmönnum Suðurkjördæmis mættu á fund sem bæjarstjórn Vestmannaeyja kallaði til nú í morgun vegna niðurskurðarhugmynda ríkisstjórnarinnar. Enginn þingmaður Samfylkingarinnar sá sér fært að mæta og þingmaður Hreyfingarinnar var ekki viðstaddur fundinn. Allir þrír þingmenn Sjálfstæðisflokksins sátu hins vegar fundinn, einn frá Framsókn og eini þingmaður VG. Fundarmenn lýstu yfir miklum áhyggjum af […]

Engar náttúruhamfarir eins dýrar og Vestmannaeyjagosið

Engar náttúruhamfarir hafa kostað íslenska þjóðarbúið eins mikið og Vestmannaeyjagosið, eða um 29 milljarða framreiknað til núvirðis eða 6% af vergri landframleiðslu þess tíma. Þetta kemur fram í nýrri skýrslu umhverfisráðuneytisins tekin verður fyrir á Umhverfisþingi í vikunni. (meira…)

Fanndís kosin efnilegust

Eyjastúlkan Fanndís Friðriksdóttir, sem leikið hefur með Breiðablik undanfarin ár, var í gær kosin efnilegasti leikmaður Pepsídeildar kvenna. Fanndís hefur vakið verðskuldaða athygli í sumar fyrir vasklega framgöngu með liði sínu enda var hún valin í A-landsliðs Íslands sem tók þátt í lokakeppni EM. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.