Day: 11. maí, 2010

Vorbragur í fyrsta leik

Eins og svo oft áður var mikill vorbragur á leik ÍBV-liðsins í upphafi Íslandsmótsins en í kvöld mætti liðið Fram á Laugardalsvellinum. Sömu lið áttust við í fyrsta leik fyrir ári síðan, þá unnu Framarar 2:0 og þeir endurtóku leikinn í ár. Lokatölur í kvöld urðu 2:0 en bæði mörk Framara voru afar sérstök og […]

Einkaflugmenn flugu með ÍBV liðið upp á Bakka

Nú er ljóst að leikur ÍBV og Fram fer fram á réttum tíma en ekki var á hreinu hvort Eyjamenn kæmust upp á fastalandið, þar sem ekkert hefur verið flogið til Eyja í dag. Nokkrir einkaflugmenn í Eyjum tóku sig til og eru um þessar mundir að fljúga með ÍBV-liðið yfir sundið, upp á Bakkaflugvöll […]

Alltaf erfitt að spila gegn Fram

Í kvöld klukkan 20.00 leikur ÍBV fyrsta leik sinn í Íslandsmótinu í knattspyrnu sumarið 2010. Liðið sækir þá Fram heim á þjóðarleikvanginn í Laugardal en leikurinn verður í beinni útsendingu Stöðvar 2 Sport. Þrír leikmenn ÍBV eru meiddir og öruggt að tveir þeirra taka ekki þátt í leiknum. Það eru þeir Viðar Örn Kjartansson, sem […]

Arnar tekur við karlaliðinu

Arnar Pétursson, leikmaður karlaliðs ÍBV í handbolta, hefur verið ráðinn þjálfari liðsins. Hann tekur við af Svavari Vignissyni sem hefur þjálfað liðið síðustu tvö ár en Svavar fer reyndar ekki langt, því hann tekur við stjórnartaumunum hjá kvennaliði ÍBV. Báðir eru þeir Arnar og Svavar Eyjamenn í húð og hár og gengu báðir upp í […]

Stuðningsmenn ÍBV ætla að hittast á Sporter

Fyrsti leikur sumarsins hjá ÍBV fer fram á Laugardalsvelli í kvöld kl. 20:00. Stuðningsmenn ÍBV ætla því að hittast á stað sem heitir SPORTER í Kópavogi (Engihjalla 8) og opnar húsið kl. 17:00. Kaldur á krana er á 500 kr. ásamt því að það verður sértilboð á burger fyrir Eyjamenn. Hvetjum við alla stuðningsmenn ÍBV […]

Fékk að vita úrslitin á afmælisdaginn

Kristinn Pálsson, ungur Eyjamaður hefur verið ráðinn annar af tveimur skopmyndateiknurum Morgunblaðsins. Kristinn, sem er aðeins 18 ára gamall, fetar þannig í fótspor annars Eyjamanns en Sigmúnd teiknaði myndir í Morgunblaðið um áratugaskeið. Morgunblaðið hélt samkeppni um það hver ætti að teikna myndirnar og urðu þeir Kristinn og Helgi Sigurðsson hlutskarpastir. (meira…)

Mikið hrun úr Bjarnarey

Í annað sinn á stuttum tíma hefur mikið hrunið úr Bjarnarey. Í nótt virðist sem hrunið hafi úr eynni á sama stað og síðast, við uppgönguna norðvestanmegin í eynni. „Þetta er rosalega mikið magn sem hefur hrunið þarna og nær yfir einhverja 50 til 100 metra,“ sagði Gunnlaugur Erlendsson, skipstjóri á björgunarbátnum Þór sem sigldi […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.