Day: 18. apríl, 2011

Herrakvöld Knattspyruráðs ÍBV föstudagskvöldið 29. apríl í Akóges

Nú er komið að því herramenn! Knattspyrnusumarið 2011 er að fara af stað og því ætla herramenn bæjarins að koma saman og þétta raðirnar fyrir komandi átök. Kári Fúsa og Hjalli ætla að kokka fram frábæra rétti eins og þeim einum er lagið ásamt helstu sjókokkum Eyjanna. Páll Magnússon verður veislustjóri og með honum í […]

Landeyjahöfn lokuð fram á skírdag

Landeyjahöfn verður lokuð fram á fimmtudag, skírdag en þetta kemur fram í vikulegri spá Siglingastofnunar sem er birt á vef hennar, www.sigling.is. Þar segir jafnframt að á morgun, þriðjudag muni liggja fyrir frekari upplýsingar um stöðu hafnarinnar en Landeyjahöfn hefur verið lokuð í rúma þrjá mánuði. (meira…)

Hnökkun á Dízó, Ellert Scheving og Vakning

Áttundi þáttur strákanna á Eyjar TV er kominn á vefinn en í þættinum er Bjarni Þór sendur í „hnökkun“ á Dizo, hárgreiðslustofunni en um leið fræddust þeir aðeins um fyrirtækið. Eyjapeyinn Ellert Scheving framleiddi á dögunum bráðfyndið myndband með Jóni Ársæli Þórðarsyni og er myndbandið sýnt í þættinum. Síðast en ekki síst er Hjalti Enok […]

Hentu björgunarhringjum á Herjólfi í sjóinn

Einhver eða einhverjir hafa tekið sig til og hent björgunarhringjum, sem eru á dekki Herjólfs í sjóinn. Ekki er vitað hver var þarna að verki og óskar lögreglan í Vestmannaeyjum eftir upplýsingum frá farþegum. Atvikið átti sér stað í fyrri ferð skipsins frá Þorlákshöfn 12. apríl síðastliðinn en atvikið er litið mjög alvarlegum augum enda […]

Fáum vonandi sóknarmann á næstu dögum

Heimir Hallgrímsson, þjálfari ÍBV, segist vera vongóður um að liðið bæti við sig framherja áður en keppni í Pepsi-deildinni hefst um næstu mánaðamót og vonandi strax í þessari viku. ÍBV varð fyrir áfalli þegar að Gunnar Heiðar Þorvaldsson, sem var þá nýbúinn að semja við liðið, ákvað að taka tilboði Norrköping í Svíþjóð og halda […]

Stuðningur áhorfenda skiptir öllu máli

Á morgun, þriðjudaginn 19. apríl tekur karlalið ÍBV í handbolta á móti Aftureldingu í mikilvægasta leik vetrarins. Liðin mættust í fyrstu umferð umspilsins í gær, sunnudag og hafði Afturelding að lokum nauman sigur. Sigurður Bragason, fyrirliði ÍBV svarar nokkrum spurningum á heimasíðu ÍBV-íþróttafélags og má sjá svörin hér að neðan. (meira…)

Eimskip styrkir ÍBV næstu fimm árin

ÍBV íþróttafélag og Eimskip skrifuðu nú um helgina undir 5 ára samstarfssamning. Samningur þessi er mjög mikilvægur fyrir ÍBV og rennur hann óskiptur til barna og unglingastarfs félagsins. ÍBV hefur á síðustu mánuðum lagt mikinn metnað í að styrkja barna- og unglingastarfið og létta undir með foreldrum sem eru með börn í íþróttum hjá félaginu. […]

Lundinn kominn til Eyja

Að margra mati er lundinn hinn eini sanni vorboði í Vestmannaeyjum og margir sem fylgjast með þegar fuglinn sest upp. Elías V. Jensson er einn þeirra en hann hefur séð til lunda á haffletinum neðan við Rauf í Stórhöfða um helgina. Elías segir að líklega vilji lundinn ekki setjast upp í brekkur út af mjög […]

Völlurinn er fljótur að taka við sér við réttar aðstæður

Þó að veðrið bendi ekki til þess, þá eru aðeins tvær vikur þangað til Íslandsmótið í knattspyrnu hefst. ÍBV byrjar á tveimur heimaleikjum, fyrst gegn Fram mánudaginn 2. maí og svo gegn Fylki laugardaginn 7. maí. Nú er hins vegar hvít jörð í Vestmannaeyjum, eins og víða annarsstaðar og talsvert í að Hásteinsvöllur verði leikfær. […]

Slys við Stafnes 14. apríl 1994

Þrír ungir drengir voru að leika sér í klöppunum norðaustan megin á Stafnesi. Þeir voru að hlaupa undan öldunum á sleipum klöpp­unum þarna. Tvær ungar stúlkur koma þarna að rétt áður en þetta skeði, sáu drengina en voru ekkert að fylgjast sérstaklega með þeim. Slys varð með þeim hætti að allt í einu kom stærri […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.