Einhver eða einhverjir hafa tekið sig til og hent björgunarhringjum, sem eru á dekki Herjólfs í sjóinn. Ekki er vitað hver var þarna að verki og óskar lögreglan í Vestmannaeyjum eftir upplýsingum frá farþegum. Atvikið átti sér stað í fyrri ferð skipsins frá Þorlákshöfn 12. apríl síðastliðinn en atvikið er litið mjög alvarlegum augum enda nauðsynlegt að öryggisbúnaður skipsins sé í sem besta lagi. Þetta kemur fram í dagbókarfærslu lögreglunnar sem má lesa hér að neðan.