Day: 29. maí, 2012

Stelpurnar aftur á beinu brautina

Kvennalið ÍBV sótti Aftureldingu heim í Mosfellsbæinn í kvöld en Afturelding er annar tveggja nýliða í deildinni. Eyjastúlkum hefur ekki gengið sem allra best í síðustu leikju en eftir góðan sigur á Val í 1. umferð, komu tveir tapleikir í röð, fyrst gegn hinum nýliðunum í FH í Hafnarfirði og svo á heimavelli gegn Breiðabliki. […]

Fyrsti sigurinn og Tryggvi bætti markametið

Eyjamenn sprungu loksins út í Íslandsmótinu þegar liðið tók á móti Stjörnunni á Hásteinsvelli í kvöld. Tryggvi Guðmundsson var í fyrsta sinn í byrjunarliðinu og stýrði sóknarleik Eyjaliðsins eins og herforingi. Það var við hæfi að þessi mikli markaskorari, bætti markamet í efstu deild með gullfallegu marki úr aukaspyrnu á 76. mínútu og kom ÍBV […]

TG9 byrjar í kvöld

Tryggvi Guðmundsson er greinilega heill heilsu því hann verður í byrjunarliði ÍBV í kvöld þegar liðið tekur á móti Stjörnunni. Tryggvi hefur ekki enn spilað fyrir ÍBV í sumar en hann var frá í byrjun tímabils vegna blóðtappa í kálfa. Hann hefur hins vegar getað æft en hefur þurft að forðast átök vegna þeirra lyfja […]

Búið að sekta nokkra á nagladekkjum

Vikan var með rólegra móti hjá lögreglu og engin alvarleg mál sem upp komu. Skemmtanahald helgarinnar fór ágætlega fram en þó var eitthvað um útköll vegna mála sem tengdust ölvunarástandi fólks. Tvö umferðaróhöpp voru tilkynnt til lögreglunnar í vikunni sem leið og var í báðum tilvikum um minniháttar óhöpp að ræða og engin slys á […]

Sónötukvöld í Safnaðarheimilinu

Kitty Kovács, píanóleikari, og Balázs Stankowsky, fiðluleikari, halda tónleika í kvöld 29. maí í Safnaðarheimili Landakirkju. Verkin eru sónötur eftir Mendelshon-Bartholdy, Chopin, Kreiser og Elgar. Tónleikarnir hefjast kl. 20:00. (meira…)

Eyjamenn taka á móti Stjörnunni í dag

Eyjamenn taka á móti Stjörnunni á Hásteinsvelli í dag í Pepsídeild karla en leikur liðanna hefst klukkan 18:00. Þetta er sjötti leikur liðanna í Íslandsmótinu en eins og allir vita, hafa Eyjamenn ekki byrjað Íslandsmótið sérlega vel, eru aðeins með tvö stig eftir fyrstu fimm leikina eftir jafntefli gegn Breiðabliki og Fylki á heimavelli. Tveir […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.