Day: 27. febrúar, 2013

Ný ferja verður að geta siglt í �?orlákshöfn

„Fundurinn var athyglisverður og það er gott að sjá hversu einbeittur vilji er til þess að bregðast við samgönguvanda Vestmannaey­inga,“ sagði Elliði Vignisson, ­bæjarstjóri í Vestmanna­eyjum, að afloknum fundi um samgöngumál Vestmannaeyja sem haldinn var í húsakynnum Siglingastofnunar í síðustu viku. Á fundinum voru kynntar niðurstöður dönsku straumfræðistöðvarinnar (DHI) sem hefur unnið að rannsóknum á […]

Kári Kristján úr leik næstu vikurnar

Kári Kristján Kristjánsson landsliðsmaður í handknattleik og leikmaður þýska A-deildarliðsins Wetzlar gekkst á dögunum undir aðgerð vegna bakmeiðsla og verður hann frá æfingum og keppni næstu vikurnar. (meira…)

Skora á atvinnuveganefnd að kynna sér gagnrýni á frumvarp um stjórn fiskveiða

Útvegsbændafélagið Heimaey sendi í dag frá sér ályktun varðandi frumvarp til laga um stjórn fiskveiða, sem nú liggur fyrir Alþingi. Þar segir að nýja frumvarpið sé í meginatriðum sambærilegt því sem lagt var fyrir þingið síðasta vor. Þá skiluðu fjölmörg umsagnaraðilar neikvæðri umsögn um frumvarpið en Útvegsbændafélagið Heimaey telur áhyggjuefni að Alþingi ætli að hunsa […]

Guðmundur Sigfússon sýnir myndir úr gosinu

Guðmundur Sigfússon, ljósmyndari mun í kvöld, miðvikudag verða gestur aðalfundar Rauða krossins í Vestmannaeyjum. Fundurinn hefst klukkan 20:00 í Arnardrangi en Guðmundur mun þar sýna fjölmargar myndir sem hann tók í Heimaeyjargosinu 1973. (meira…)

Lenging hafnargarða eykur straum og ölduhæð

Á fundi bæjarráðs var fjallað um samgöngur á sjó við Vestmannaeyjar í húsakynnum Siglingastofnunnar í Kópavogi. Á fundinum var farið yfir stöðu mála varðandi Landeyjahöfn og horft til framtíðar varðandi nýtt skip og breytingar á höfninni. Í bókun bæjarráðs kemur m.a. fram að samkvæmt Dönsku straumfræðistofnuninni eykur lenging hafnargarða í Landeyjahöfn, straum og ölduhæð og […]

Florentina með landsliðinu í mars?

Rúmenski handknattleiksmarkvörðurinn Florentina Stanciu, sem leikur með ÍBV, er á meðal þeirra 13 einstaklinga sem allsherjar- og menntamálanefnd Alþingis leggur til að veittur verði íslenskur ríkisborgararéttur á vorþingi. (meira…)

Benjani ekki til Eyja

Framherjinn Benjani Mwaruwari er ekki á leið í ÍBV. Benjani samdi við suður-afríska liðið Chippa United, sem situr í botnsæti úrvalsdeildarinnar þar í landi en leikmaðurinn var fyrr í vetur orðaður við ÍBV. Þetta kemur fram á Fótbolti.net. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.