Er vilji til að gera þingið betra?

Eftir fimm ár á þingi er ég orðinn nokkuð reyndur í þingstörfunum. Allan  tímann hef ég verið í meirihluta. Á margan hátt er það erfiðara fyrir óbreyttan þingmann að vera í þeirri stöðu. 

Það setur manni skorður í umræðunni að vera í samstarfi við fleiri en einn flokk í ríkisstjórnarsamstarfi og mikilvægt að vanda sig og vera ekki af óþörfu að ræða um hugmyndir sem geta valdið óróa í samstarfinu. Í minnuhluta eru þingmenn frjálsari að koma fram með sínar hugmyndir og þurfa ekki að taka tillit til samstarfs við aðra flokka á þingi.

 

Allir í liði

Þótt stjórnarandstaðan sé sundurlaus og sundurtætt, hefur henni tekist að ná saman í andstöðu við ríkisstjórnina, einstaka ráðherra og um einstök mál. Í atkvæðagreiðslum stendur minnihlutinn ekki síður saman en meirihlutinn og þar greiða allir eins atkvæði í stærstu átakamálunum, jafnvel þó einstaka flokkur gæti verið á annarri skoðun. Í samstarfi eru málamiðlun mikilvæg og ríkisstjórnir byggja  á málamiðlunum. Þannig er það bara og hefur alltaf verið, það eru allir í liði, vinna saman, sýna styrk sinn og mátt.

 

Umræðan hefur ekki lagast

Þrátt fyrir að allir sem nú eru kjörnir á þing hafi farið í gegnum þingmannaskólann þá er ég ekki viss um að umræðan hafi lagast. Það má sjá í umræðunni í mörgum málum  þar sem harðar er sótt að persónum en málefnum. Það hefur ekki farið fram hjá neinum hvernig einstaka þingmenn hafa farið í persónu dómsmálaráðherra. Margt oft hefur keyrt um þverbak í óþverranum. Svipaðar svívirðingar mátti forstjóri Barnaverndarstofu þola þar sem einstaka þingmenn fóru langt yfir öll velsæmismörk. Ég  trúði því, eftir síðustu kosningar, að óþverravæðingu þingsins væru lokið og betri vinnubrögð og umræðu tækju við.  En svo var ekki og alltaf koma nýir harðari leikendur í stað þeirra sem maður hélt að maður myndi ekki sakna.

 

Efnileg umræða stöðvuð

Nýjasta dæmið um að þingið komi í veg fyrir efnislega umræðu var frumvarp atvinnuveganefndar um endurreikning veiðigjalds. Í fimm klukkustundir töluðu þingmenn stjórnarandstöðunnar undir liðnum fundarstjórn forseta til að  koma í veg fyrir að málið kæmist á dagskrá. Það tókst. Frumvarpið fékk ekki efnislega meðferð en var tekið af dagskrá  Merkilegast var að fylgjast með framgöngu þingmanna  Miðflokksins sem stóðu þétt við bakið á Viðreisn, Pírötum og Samfylkingu. Þingmenn Miðflokksins bera ábyrgð á því að ekki tókst að leiðrétta veiðigjöldin og færa þau nær afkomu fyrirtækja í útgerð.  

 

Viljum við gera betur

Spurningin sem brennur á vörum mínum er hvort vilji sé til í að gera betur. Ég veit það ekki. Margir þrífast í umhverfi þar sem ásakanir um brigsl, lygar, sjálftöku og jafnvel þjófnað eru sjálfsagðar.  Fáum virðist líða betur en þingmönnum Pírata að saka aðra um óheilindi, ósannindi og þjófnað. Ég get lítið annað gert en vorkennt  fólki sem þannig talar um náungann. Við þingmenn erum föst á gömlum stað þegar kemur að því að gera betur í umræðunni en enn er möguleiki að við tökum okkur taki og ég vona það besta.

 

Ásmundur Friðriksson alþingismaður.

Nýjustu fréttir

Herjólfur
Sigla síðdegis í Landeyjahöfn
Stjórnmál
Prófkjör leið til að sameina flokkinn á ný
Laxey
Þrjú ár frá fyrstu skóflustungu í Viðlagafjöru
Fréttir
Gul viðvörun: Norðaustan hríð
Íþróttir
ÍBV vann Álaborg í æfingaleik á Spáni
Áhugavert
Dýpkun Landeyjahafnar kostaði 600 milljónir í fyrra
Úr blaði Eyjafrétta
Gamla myndin
Sjávarútvegur
Eyjarnar lönduðu fullfermi í heimahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.