Tökur á kvikmyndinni Djúpið eru hafnar í Vestmannaeyjum en Baltasar Kormákur leikstýrir myndinni, sem er að einhverju leyti byggð á Helliseyjarslysinu 1984, auk þess sem Heimaeyjargosið 1973 kemur við sögu. Myndin er byggð á samnefndu leikriti Jóns Atla Jónassonar. Tökur hófust á mánudaginn og hafa farið fram víða í miðbænum. M.a. var á heitu sumarkvöldi framkallaður snjóstormur af verstu gerð. Þá fór fram í gærkvöldi endurgerð á gosnóttinni, þegar Eyjamenn flýðu um borð í báta undan gosinu.