„Ríkisstjórnin leyfir sér að kasta fram frumvörpum til laga um að umturna skipulagi fiskveiða án þess að meta á neinn hátt afleiðingarnar. Ég sagði við Samfylkingarþing­mennina að fyrst stjórnarliðar sæju ekki ástæðu til að reikna út á svo mikið sem servíettuhorn til hvers stefna þeirra leiddi tæki ég af þeim ómakið.Við blasir mynd sem er hreint ekki fögur. Ég hefi fengið ótrúleg við­brögð víðs vegar að af landinu og skynja vel hve mörgum ofbýður þessi dæmalausa ríkisvæðing sjáv­ar­útvegsins og pólitískt kvóta­skömmtunarkerfi sem Jón Bjarna­son, Róbert Marshall, Ólína & Co. vilja koma hér á í nafni rétt­lætis,“ segir Sigurgeir B. Kristgeirs­son, framkvæmdastjóri, Binni í Vinnslu­stöðinni, eftir fund Samfylk­ingar­innar í Eyjum í síðustu viku.