Á mánudaginn komu þeir Valtýr Auðbergs­son, Kristján Georgsson og Magnús Steindórsson færandi hendi á Sambýlið þegar þeir færðu heimilismönnum nuddpott að gjöf. Til kaup­anna notuðu þeir ágóðann úr árlegu golfmóti sem þeir halda í Eyjum, Ufsa­skalla golfmótið en mótið er nú orðið að árlegum viðburði. Potturinn var keyptur hjá Miðstöðinni en það voru Lionsmenn sem smíðuðu sólpall í kringum pottinn.