Þjóðhátíðardeginum var fagnað um allt land í dag en 81 ár eru frá stofnun lýðveldis Íslands. Í Vestmannaeyjum safnaðist fólk saman fyrir skrúðgöngu á Ráðhúströðinni. Gengið var í lögreglufylgd á Vigtartorg þar sem við tók hátíðardagskrá.

Magnús Bragason var með hátíðarræðu dagsins, Anna Ester Óttarsdóttir var fjallkonan og flutti hátíðarljóð. Þá voru tónlistaratriði frá bæjarlistamanni Vestmannaeyja Eló og frá Arnari Júll og Unu Þorvalds að ógleymdri Lúðrasveit Vestmannaeyja. Einnig sungu börn af leikskólanum Kirkjugerði nokkur lög.

Óskar Pétur Friðriksson og Halldór B. Halldórsson fylgdust með í gegnum linsurnar. Myndir og myndband má sjá hér að neðan.