Svona gæti fyrirsögnin litið út í Vestmannaeyjum þegar að árið er gert upp, ef sagan endurtekur sig. Ekki ósvipuð fyrirsögn og Rúv birti í kjölfar mikils uppgangs fiskeldis á Vestfjörðum.

„Viðskipti með íbúðir á Vestfjörðum hafa tekið kipp að undanförnu og er árleg velta hærri þar en á sambærilegum svæðum. Fasteignaverð á Vestfjörðum hefur jafnframt hækkað um 35% á einu ári.”

Í nýjasta blaði Sóknarfæris sem helgaður er fiskeldi er mjög áhugavert viðtal við Baldur Smára Einarsson fjármálastjóra Artic Fish þar rifjar hann upp algjör umskipti á Vestfjörðum í kjölfar gríðarlegs vaxtar tengdum miklum uppgangi fiskeldis á svæðinu, sem tók algjöran kipp frá árinu 2019 eða frá þeim tíma sem fyrsta slátrun hófst hjá félaginu. „Fiskeldi hefur snúið allri þróun við hér á Vestfjörðum. Úr hnignun í uppbyggingu, sama til hvaða mælikvarða við horfum. Helsta áhyggjuefnið er að ekki sé til nægt húsnæði.”

Nokkrir punktar úr greininni:

*Mikil eftirspurn á húsnæði og hækkandi fasteignaverð.

*120-130 störf hafa skapast hjá félaginu.

Þar af 40-50 störf við opnun sláturhús.

Auk fjöldra afleiddra starfa sem teygir sig um allt samfélagið.

Enn áhugaverðara er að bera þetta viðtal saman  við þann mikla uppgang sem er að eiga sér stað í Eyjum og kynna sér viðtalið við Lárus Ásgeirsson stjórnarformann hjá Laxey í sama blaði. En Laxey er einmitt á þeim stað og þegar hinn mikli uppgangur hjá Artic Fish hófst fyrir alvöru  þ.e stutt í fyrstu slátrun.

Það er svo greinilegt að áform hjá Laxey hafa undið uppá sig en í viðtalinu tekur Lárus fram að félagið stefnir nú á:

*35.000 tonna framleiðslu

*70.000.0000kr heildarframkvæmd

*100 störf skapast hjá félaginu og annað eins í afleiddum störfum

Til samanburðar í viðtali við Eyjafréttir stefndi Laxey á:

*27.000 tonna framleiðslu.

*30.000.000kr í útflutningstekjur.

*60.000.0000kr heildarframkvæmd.

Hvort sagan endurtaki sbr uppganginum á Vestfjörðum og fyrirhuguð áform hjá Laxey verði að veruleika. Þá eru núverandi áætlanir félagsins sem settar voru fyrir meira en tveimur árum síðan að ganga eftir!

Það verður að fá hrósa þeim sem hafa verið tilbúnir að leggja myndarlega undir í þessu veðmáli , starfsfólki hjá Laxey, bæjarstjórn og velvild bæjarbúa.

Þessi liðsheild hefur tryggt að Laxey er komið á þann stað sem það er í dag og hefur nú alla burði til láta sína framtíðarsýn rætast til hagsbóta fyrir alla Eyjamenn, með tilheyrandi eignamyndun í húsnæði , hærra atvinnustigi, aukinni fólksfjölgun, bættum innviðum, aukinni klasamyndun ofl

Framtíðin er svo sannarlega björt.

Jóhann Halldórsson