Fyrri umferð Íslandsmóts skákfélaga fór fram um helgina í Rimaskóla í Grafarvogi. Eins og undanfarin ár tekur Taflfélag Vestmannaeyja þátt í mótinu en A-sveit félagsins er í efsta sæti með 28,5 vinninga. GM Hellir er í öðru sæti með 28 vinninga og ríkjandi Íslandsmeistarar í Víkingaklúbbnum eru í því þriðja með 27. Síðari umferð Íslandsmótsins fer fram í lok febrúar á næsta ári. B-sveit Taflfélags Vestmannaeyja er í 7. og næst neðsta sæti í 2. deild með 8,5 vinninga. Neðst er C-sveit GM Hellis með 7 vinninga en í 6. sæti er A-sveit Skákfélags Íslands með 10,5 vinning. Taflfélagið teflir ekki fram C- eða D-deild eins og svo oft áður.