,,FH-ing­ar freista þess að ná fimm stiga for­ystu í Pepsi-deild karla í knatt­spyrnu þegar þeir sækja Eyja­menn heim í fyrsta leik 11. um­ferðar í dag á meðan ÍBV reyn­ir að snúa geng­inu við eft­ir þrjá tap­leiki í röð,” segir Víðir Sigurðsson í Morgunblaðinu í dag en liðin mætast á Hást4einsvelli klukkan 16.00 í dag.

Gengi liðanna hefur verið ólíkt síðustu umferðir því aðeins eitt stig skildi liðin að eft­ir sjö um­ferðir þegar FH var með 14 stig á toppn­um og ÍBV stigi á eft­ir. Nú er FH með 21 stig en Eyja­menn sitja áfram með 13 og hafa sigið niður töfl­una.

Víðir bendir á að FH-ing­um hef­ur gengið ákaf­lega vel í Eyj­um um ára­bil en þeir hafa aðeins einu sinni tapað í síðustu ell­efu heim­sókn­um sín­um á Há­steinsvöll í deild­inni. ÍBV náði að sigra árið 2011, þá 3:1, en af hinum tíu leikj­un­um í Eyj­um frá 2003 hef­ur FH unnið sjö og þrír hafa endað með jafn­tefli.

Fé­lög­in hafa sam­tals mæst 50 sinn­um í efstu deild frá 1975. FH hef­ur unnið 23 leiki en ÍBV 15 og 12 hafa endað með jafn­tefli. Marka­tal­an er 90:73, FH í hag.