Category: Fréttir

Góð æfing fyrir slökkviliðið

Klukkan 13:51 í dag var Slökkvilið Vestmannaeyja kallað út að sumarbústaðabyggð við Ofanleiti í Vestmannaeyjum en samkvæmt útkalli var talið að eldur væri í einum af sumarbústöðum sem þar eru. Svo reyndist ekki vera, aðeins rauk úr einum rafmagnskassa sem þar var í nágrenninum og virðist sem vatn hafi komist inn í kassann. (meira…)

Hvernig gekk spáin upp?

Keppni í fyrstu deild karla lauk um helgina. Fyrir mótið fékk Fótbolti.net fyrirliða og þjálfara liðanna í deildinni til að spá fyrir um lokaniðurstöðuna. Þjálfarar og fyrirliðar spáðu því að Víkingur Ólafsvík, Njarðvík og KS/Leiftur yrðu í þremur neðstu sætunum og sú varð raunin. Leiknir R. endaði einnig í sjöunda sæti eins og spáin hafði […]

Framtíðarhúsnæðisþörf fyrir menningarstarfsemi

Almennur og fjölmennur íbúafundur í Sveitarfélaginu Árborg var í gærkveldi á Hótel Selfossi. Þar kynntu höfundar greiningarskýrslu Rannsóknarstofnunar Háskólans á Akureyri helstu niðurstöður um framtíðarhúsnæðisþörf fyrir menningarstarfsemi í Sveitarfélaginu Árborg. Umræður voru miklar og málefnalegar og fékk Menningarsalurinn í Hótel Selfossi töluverðar umræður eins og ætíð er menningarmál í Árborg koma til umræðu. (meira…)

Sex ára gömul Isuzu Trooper jeppabifreið brann

Aðfaranótt síðastliðins fimmtudags brann sex ára gömul Isuzu Trooper jeppabifreið þar sem hún stóð á Grafningsvegi við Hagavík. Allt brann sem brunnið gat í bifreiðinni og málmurinn einn eftir. Bifreiðin hafði staðið þarna tæpar tvær vikur með sprunginn hjólbarða. Tilkynnt hafði verið um bifreiðina ti lögreglu nokkrum dögum áður en í henni kviknaði. (meira…)

Árni sækist ekki eftir forstjórastarfi Landsvirkjunar

Árni M. Mathiesen, fjármálaráðherra, sagði í Kastljósi Sjónvarpsins í kvöld, að hann hefði ekki sóst eftir embætti forstjóra Landsvirkjunar og sér hefði ekki verið boðið það starf. Fréttir í fjölmiðlum um slíkt væru uppspuni frá rótum. Árni sagði einnig að spurður, að sér vitanlega hefði ekki verið rætt um að hann hætti sem ráðherra í […]

Ný kórstjórn

Kór FSu hefur kosið sér nýja stjórn. Formaður er áfram Arna Lára Pétursdóttir. Aðrir í stjórn eru Viðar Stefánsson, Gunnlaugur Harðarson og Þorbjörg Matthíasdóttir. Margt verðu á döfinni í vetur en næst eru það tónleikar 21. okt. í Selfosskirkju og 22. okt. í Skálholti. Kórinn mun þá flytja kirkjutónlist. Starfið gengur vel og hefur kórinn […]

Minnisvarði afhjúpaður í Timburhólum

Sunnudaginn 21. september s.l. var afhjúpaður í skógræktarreit Ungmennafélagsins Samhygðar við Timburhóla, minnisvarði um hjónin í Vorsabæ, Guðfinnu Guðmundsdóttur og Stefán Jasonarson. Þau voru bændur í Vorsabæ í hálfa öld og Stefán var ötull í störfum fyrir mörg félagasamtök s.s. samtók sunnlenskra bænda, ungmennafélagshreyfinguna og umferðaröryggi. (meira…)

Grunaður um að aka undir áhrifum fíkniefna

Einn ökumaður var stöðvaður vegna gruns um að aka undir áhrifum fíkniefna. Þetta kemur fram í dagbók lögreglunnar í Vestmannaeyjum sem hafði í ýmis horn að líta í síðustu viku. M.a. þurfti að glíma við eignaspjöll, umferðaróhöpp og aðstoða ölvað fólk til síns heima. Lesa má dagbókarfærsluna hér að neðan. (meira…)

Aðild að ESB – til hvers?

Umræðan um aðild Íslands að Evrópusambandinu hefur blossað upp eftir gengisfellingu krónunnar um síðustu páska. Þeir sem vilja aðild tala gjarnan á þann veg að hún sé leiðin út úr erfiðleikunum í efnahagslífinu og að með aðild að ESB og evrunni muni efnahagslegur óstöðugleiki verða úr sögunni. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.