Category: Fréttir

Vinnuslys í Grímsnesi

Iðnaðarmaður var um hádegisbilið í dag fluttur á slysadeild í Reykjavík eftir vinnuslys í landi Ásgarðs í Grímsnesi. Lögregla telur að maðurinn hafi hrapað um 2 – 3 metra úr stiga þegar hann var að vinna við húsasmíðar. Hann hlaut höfuðáverka en ekki liggur fyrir hversu alvarlegir þeir eru. (meira…)

ÍBV með tvo landsliðsmenn í knattspyrnu

Augustine N’sumba, eða „Gústi“ eins og hann er kallaður af liðsfélögum sínum í Eyjum fékk, tímabundin félagaskipti úr ÍBV eftir lok síðasta tímabils. Hann vildi halda sér í leikformi og fá aðgang að góðri æfingaaðstöðu. Það virðist hafa borgað sig því hann var valinn í landslið Úganda í síðustu viku. (meira…)

Aðalfundur Félags Austfirðinga í Vestmannaeyjum annað kvöld

Aðalfundur Félags Austfirðinga í Vestmannaeyjum verður haldinn á morgun, miðvikudag 28. nóvember klukkan 20.00 í Alþýðuhúsinu en ekki á fimmtudag eins og kom fram í auglýsingu í Fréttum í síðustu viku. Félagsmenn eru hvattir til að fjölmenna. (meira…)

Opið hús í Vosbúð í dag

Þann 1. mars 2007 samþykkti Menningar -og tómstundaráð Vestmannaeyja að koma á fót Menningarmiðstöð fyrir ungmenni á aldrinum 16-25 ára en töluverður þrýstingur hafði þá verið á bæjaryfirvöld frá ungmennum vegna aðstöðuleysis. Vestmannaeyjabær tók á leigu húsnæði Miðstöðvarinnar, Vosbúð, við Strandveg 65. Ungmennin sjálf hafa unnið þá undirbúningsvinnu sem vinna þurfti til að koma húsinu […]

Eyjamenn ósáttir við vinnubrögð ÍR-inga

Á laugardaginn átti 9. flokkur drengja í körfubolta að leika gegn ÍR í bikarkeppni flokksins. Allt var klárt, leikmenn ÍBV og dómarar mættir til leiks en þegar á reyndi komu ÍR-ingar ekki til Vestmannaeyja og gerðu það án þess að láta kóng né prest vita. ÍBV var dæmdur sigur, 20:0 en Eyjamenn fordæma samt sem […]

Tekinn með 2,5 gr. af hassi í bílnum um helgina

Það var öllu meira að gera hjá lögreglu í vikunni sem leið en á undanförnum tveimur vikum og ýmis mál sem komu upp. M.a. þurfti lögreglan að skakka leikinn á milli manna sem voru að takast á fyrir utan öldurhús bæjarins. Tveir fengu að gista fangageymslu lögreglu um helgina, annar vegna ölvunar og óspekta en […]

Vinnslustöðin og Ísfélagið ekki að sameinast

Gunnlaugur Sævar Gunnlaugsson, stjórnarformaður Ísfélags Vestmannaeyja, segir að markmiðið með kaupum félagsins í Vinnslustöðinni í Vestmannaeyjum sé ekki að sameina félögin tvö enda sé það ekki hægt vegna kvótaeignar þeirra. (meira…)

Hrós til handboltaliðsins

Eftir þær hremmingar sem ÍBV liðið í handbolta hefur gengið í gegnum eiga þeir skilið hrós fyrir frábæran karakter sem þeir sýndu á laugardaginn gegn Aftureldingu. Þeir lentu sex mörkum undir í fyrri hálfleik og oft hefur það nægt til þess að menn missi trúna á verkefninu, sérstaklega í vetur. Liðið hefur oft á tíðum […]

Föndurdagur á Sóla í dag

Í dag, mánudaginn 26. nóvember verður jólaföndurdagur foreldrafélagsins í leikskólanum Sóla. Föndrið verður haldið milli 17 og 19 í húsakynnum leikskólans en hægt verður að kaupa keramik til að mála og annað föndur á staðnum. Foreldrafélagið býður þátttakendum upp á piparkökumálun og heitt kakó með rjóma. Og að sjálfsögðu eru systkini velkomin með á föndurdaginn. […]

Aðeins seinni ferð Herjólfs í dag

Nú hefur verið ákveðið að fresta fyrri ferð Herjólfs í dag og því fer hann aðeins síðari ferð klukkan 16.00 frá Vestmannaeyjum og 19.30 frá Þorlákshöfn. Mjög slæmt veður var í gærkvöldi sem tafði ferð Herjólfs (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.