Category: Fréttir

Opinn fundur afmælisnefndar Selfoss

Undirbúningsnefnd fyrir 60 ára afmæli Selfossbyggðar heldur opinn fund í suðursal Hótel Selfoss, í dag klukkan 18.15. Allir sem vilja vera með í starfinu eða hafa hugmyndir sem þeir vilja koma á framfæri eru velkomnir. (meira…)

Tuttugu milljarðar

Mikil umræða fer nú fram um hina nýju” Grímseyjaferju. Það er alveg hreint með ólíkindum að fylgjast með þessu máli. Mistök og mistök virðast vera gegnum gangandi allt þetta mál. Kostnaður við þessa blessaða ferju mun stefna í a.m.k. 500 milljónir. Alltaf er svolítið gaman að bera tölur saman. Kostnaður við þessa ferju verður sem […]

Setja upp fjarskiptastöð í og við Knarrarósvita

Félagið Íslenskir radíóamatörar tekur þátt í alþjóðlegri vitahelgi radíóamatöra helgina 17.-19. ágúst. Þessa helgi flykkjast radíóamatörar um heim allan að vitum og í vitaskip og setja upp fjarskiptabúnað sinn þar. Þaðan hafa menn samband við aðra radíóamatöra um heim allan. (meira…)

Enn metveiði í Veiðivötnum

Enn eitt aflametið var slegið í sjöundu veiðivikunni í Veiðivötnum, en þá komu á land 2.298 fiskar. Það er nálægt því að vera helmingi meiri afli en áður hefur fengist á þessum tíma sumars. (meira…)

Fyrsta lundapysjan hefur látið sjá sig

Haukur Kristjánsson kom með fyrstu lundapysjuna sem fundist hefur í Vestmannaeyjabæ á þessu ári á Náttúrugripasafnið nú eftir hádegið. Hún var mjög dúnuð en ekki var að sjá að hún hefði liðið skort því hún var feit og pattaraleg. (meira…)

Gaman á Grímsævintýri

Fjöldi fólks kom saman við Borg í Grímsnesi á laugardag þar sem fram fór hin árlega hátíð Grímsævintýri. (meira…)

Ingólfur selur Office 1

Egill Þór Sigurðsson, eigandi Office 1 keðjunnar á Íslandi, hefur keypt Office 1 verslun Ingólfs Snorrasonar á Selfossi. (meira…)

Slakt hjá KFS í gær

KFS tapaði í gærkvöldi fyrir einu af neðstu liðum A-riðils 3. deildar, KB og óhætt að segja að úrslitin hafi komið á óvart. Enda voru Eyjamenn lengst af mun betri, virkuðu sterkari aðilinn en þrátt fyrir það komust gestirnir yfir á 38. mínútu og var það eina mark hálfleiksins. Gestirnir bættu svo við þremur mörkum […]

Kaffi krús til sölu

Rekstur veitingastaðarins Kaffi krús á Selfossi er auglýstur til sölu hjá Lögmönnum Suðurlandi. Núverandi eigendur, Guðmundur Annas Árnason og Hildur Sumarliðadóttir, hafa undanfarin tvö ár rekið staðinn, sem hefur jafnframt verið eini skemmtistaðurinn á Selfossi frá því í vor. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.