– Vinna við goslokahátíð Vestmannaeyja, sem haldin er 2.-5.júlí, er nú langt á veg komin og dagskráin farin að taka á sig mynd. Hátíðin verður fjölbreytt og skemmtileg, eins og ávallt, og eitthvað í boði fyrir alla.

Fjölmargar listasýningar, fjölbreytt barnadagskrá og hefðbundið fjör á Skipasandi eru fastir liðir. �?á verður skemmtilegt að sjá lífið sem Sirkus Íslands mun koma með í bæinn, en um 30 sirkuslistamenn ferðast með sirkusnum en sýningar þeirra verða í sirkustjaldi á Malarvellinum. Ekki verður síðra að sjá fjörið sem kemur með öllum vélhjólunum sem hér verða samankomin á landsmóti vélhjólamanna. Landsbankinn mun taka við af Sparisjóðnum og halda upp á Landsbankadaginn. �?etta er einungis brotabrot af því sem í boði verður og verður frekari dagskrá kynnt innan tíðar.

�??

Goslokanefnd vill nú á þessum tímapunkti biðja þá sem hafa hug á að vera með viðburð þessa daga sem hátíðin stendur, að senda upplýsingar um viðburðinn á netfangið goslok@vestmannaeyjar.is, eða hafa samband í síma 488-2000. Einungis með þeim hætti er hægt að tryggja að upplýsingar um viðburðinn verði auglýstar í dagskrá hátíðarinnar! Allar ábendingar, hugmyndir og vangaveltur eru vel þegnar!