Eins og fram kom í síðasta tölu­blaði hefur Júlíus G. Ingason tekið við ritstjórn Frétta af Ómari Garðarssyni. Við þessi tímamót hefur verið ákveðið að breyta nafni blaðsins í Eyja­fréttir. Reglu­lega hefur gætt misskilnings á nafni Frétta. Eyjafréttir er orðið sterkt vörumerki vegna vefmið­ilsins Eyja­fréttir.is, sem sama fyrirtæki hefur haldið úti frá árinu 2000. Með nýja nafninu verður öllum misskilningi von­andi eytt, enda varla hægt að finna sterkari tengingu við fréttir úr Vestmanna­eyjum en með nafninu Eyjafréttir. Þá hefur útgáfu­degi blaðsins verið breytt, úr fimmtudegi í miðvikudag.