Áhöfn og starfsfólki Herjólfs ohf leggur mikla áherslu öryggi farþega og áhafnar í siglingum með Herjólfi. Ólafur Jóhann Borgþórsson, framkvæmdastjóri Herjólfs ítrekar mikilvægi öryggismála um borð. „Það er ekki aðeins lögð áhersla á að öryggisbúnaður um borð í skipinu standist gildandi lög, því Herjólfur vill vera öðrum fyrirmynd og þess vegna er meiri og betri búnaður en lög krefja.“

Sl. laugardag kom nýr slíkur búnaður um borð. Um er að ræða fullkominn fjarstýrðan björgunarhring, U-safe, sem staðsettur verður í brú Herjólfs. Björgunarbúnaðurinn virkar á þann veg ef maður fellur fyrir borð, er bjögunarhringnum kastað fyrir borð og stýrt í átt að manninum og svo er honum stýrt til baka. Björgunarhringurinn er rafknúinn, nær allt að 15 km/klst og dugir hleðslan í 40 mínútur. Er Herjólfur fyrsta íslenska skipið sem tekur slíkan búnað í notkun.

„Það er einlæg von okkar að þennan búnað, eins og annan búnað þurfi aldrei að nota. Engu að síður viljum við vera við öllu búin,“ sagði Ólafur kankvís í lokin og hélt glaður út í norðanbálið.