Nadia Rannveig Ásgeirsdóttir, var tveggja ára gömul þegar hún fluttist til Vestmanneyja ásamt foreldrum sínum en hún er dóttir Ásgeirs Karls­sonar og Viktoriu Ayn Petty­piece. Nadia ólst upp við mikið frjálsræði í faðmi Eyjanna og lauk stúdentsprófi frá Framhaldsskól­anum í Vestmannaeyjum árið 2001. Eftir það ákvað hún að hleypa heimdraganum og sækja sér frekari menntun í Kanada. Hún býr nú í Vancouver ásamt Tim Ashman, kærasta sínum, en þau komu í heimsókn til Íslands í júlímánuði og Nadia var í Eyjum um þjóðhátíð. Nadia hefur ekki alveg farið troðn­ar slóðir í lífinu því eftir að hún lauk BS prófi í líffræði hefur hún lært réttartæknifræði og glæpavettvangsrannsóknir.