Knatt­spyrnu­kon­an Rut Kristjáns­dótt­ir sem leik­ur með Fylki í Pepsi-deild kvenna lenti í miður skemmti­legu í Vest­manna­eyj­um í gær þegar hún missti tönn eft­ir samstuð í deild­ar­leikn­um gegn ÍBV. Hún skoraði mark Fylk­is sem tapaði 2-1 en þurfti að fara af velli þegar fimm mín­út­ur voru eft­ir af venju­leg­um leiktíma.

Rut sett­ist í stól­inn hjá eng­um öðrum en landsliðsþjálf­ar­an­um Heimi Hall­gríms­syni sem kom tönn­inni kirfi­lega fyr­ir á sín­um stað. Eins og frægt er orðið starfar Heim­ir sem tann­lækn­ir sam­hliða landsliðsstörf­un­um. Mbl.is greindi frá.