Herjólfur fer í slipp um miðja þessa viku en í síðustu viku kom í ljós bilun í annarri skrúfu skipsins. Þetta kemur fram á mbl.is og einnig er sagt að gamli Herjólfur sigli á meðan sá nýi er í slipp. Ekki er þó komin nákvæm dagsetning á slippinn.

Siglt á há- háflóði

„Núna er blíðskap­ar­veður þannig skipið er að sigla til Land­eyj­ar­hafn­ar á ann­arri skrúf­unni en sigl­ir hins veg­ar bara tvær ferðir á dag vegna bil­un­ar,“ seg­ir  Hörður Orri Grett­is­son, fram­kvæmda­stjóri Herjólfs, við mbl.is  og bæt­ir því við að dýpt­ar­mæl­ing hafi verið gerð í gær í Land­eyj­ar­höfn sem leiddi í ljós að dýpið var ekki nógu mikið til að hægt var að sigla all­an dag­inn.

„Skipið þarf því að sigla á há­flóði, eig­in­lega há-há­flóði, inn í Land­eyj­ar­höfn vegna ónægs dýp­is.“