Reynt verður að sigla Herjólfi í Landeyjahöfn á morgun, sunnudag. Fyrstu ferð skipsins hefur verið frestað um klukkutíma til að auka líkurnar á að hægt verði að sigla í Landeyjahöfn. Þetta er gert til að ná lengri tíma frá háflóði, sem er fyrir klukkan átta í fyrramálið. Áætluð brottför, ef þetta gengur eftir, er frá Landeyjahöfn klukkan 12:00. Í fréttatilkynningu frá Eimskip segir jafnframt að farþegar verði að vera undir það búnir að sigla til Þorlákshafnar klukkan 9 í fyrramálið og þá frá Þorlákshöfn klukkan 12:30.