Kjörfundur hafinn
1. júní, 2024
IMG_5395
Jóhann Pétursson, formaður yfirkjörstjórnar tekur á móti fyrstu kjósendum í morgun. Eyjar.net/TMS

Í dag ganga Íslendingar til kosninga, þegar tíundu for­seta­kosn­ing­ar eru haldn­ar í sögu lýðveld­is­ins. Þar munu landsmenn kjósa sjöunda forseta lýðveldisins. Frambjóðendurnir eru tólf talsins.

Í Vestmannaeyjum er hægt að kjósa í Barnaskólanum, inngangur um norður- og suðurdyr.
Aðgengi fyrir fatlaða er um norðurdyr. Kjörfundur hófst kl. 9.00 í morgun og lýkur kl. 22.00 í kvöld.

Bænum er skipt með eftirfarandi hætti í tvær kjördeildir:

  • Í 1. kjördeild kjósa þeir, sem skráðir voru með lögheimili 24. apríl 2024 við Austurveg til og með Hásteinsvegi auk þeirra sem eru óstaðsettir í hús og þeirra sem búa erlendis og njóta kosningaréttar á Íslandi.
  • Í 2. kjördeild kjósa þeir, sem skráðir voru með lögheimili 24. apríl 2024 við Hátún til og með Ægisgötu, auk þeirra, sem búa að Hraunbúðum og húsum, er bera bæjarnöfn.

Kjósandi sem ekki hefur meðferðis persónuskírteini, getur átt von á því að fá ekki að greiða atkvæði. Yfirkjörstjórn verður til húsa á kjörstað í Barnaskólanum á kjördegi.

Þó nokkrir voru mættir á kjörstað klukkan 9 í morgun þegar kjörfundur hófst.

IMG_5393

 

Mest lesið
viðburðir
Fylgstu með

Skráðu þig á fáðu nýjustu tilkynningar fyrst