Herdís Gunnarsdóttir, tvítug Eyja­stelpa, hleypti heimdraganum í upphafi árs. Ferðinni var heitið heimshorna á milli en Herdís hafði skráð sig í ferð sjálfboðaliða sem áttu að aðstoða fátæka í Indlandi og Kenýa. Herdís hélt úti bloggsíðu meðan á ferðinni stóð en þar kom fram að hún fékk að upplifa ótrú­lega mikla og sára fátækt sem bitnar auðvitað mest á börnum þessara þjóða. Hún segir að ferðin hafi breytt sér mikið og helst vilji hún fara aftur út sem fyrst til að hjálpa til. Rætt var við Herdísi í vikublaðinu Fréttum. Með þessari frétt fylgir stutt myndband frá dvölinni í Afríku.