Óska eftir samtali við ráðamenn um byggingu nýs hjúkrunarheimilis

Málefni Hraunbúða voru til umræðu á fundi bæjarstjórnar í liðinni viku. Samráðshópur Heilbrigðisstofnunar Suðurlands (HSU), Hollvinasamtaka Hraunbúða, fulltrúa aðstandenda heimilisfólks, Félags eldri borgara og Vestmannaeyjabæjar um málefni Hraunbúða, hefur tekið til starfa og fundaði síðast þann 22. mars sl. Fyrirhugað er að halda slíka fundi mánaðarlega. Hlutverk hópsins er að tryggja að sem flestir sem hlut eiga að máli verði upplýstir um starfsemi Hraunbúða og þar skapist vettvangur samvinnu þar sem hægt verður að koma á framfæri ábendingum og upplýsingum, með hagsmuni heimilisfólks að leiðarljósi. Fulltrúum í hópnum ber saman um að þörf sé á slíkum vettvangi og ýmis mál megi leysa með gagnkvæmri upplýsingamiðlun.

Í samráðshópnum eru þau: Una S. Ásmundsdóttir og Baldvina Ýr Hafsteinsdóttir, f.h. HSU, Þór Vilhjálmsson, f.h. Félags eldri borgara, Halldóra Kristín Ágústsdóttir, f.h. Hollvinasamtakanna, Ragnheiður Borgþórsdóttir, f.h. aðstandenda og Thelma R. Tómasdóttir, f.h. Vestmannaeyjabæjar. Varafulltrúar eru þau: Eydís Unnur Tórshamar og Cecilie B H Björgvinsdóttir, f.h. HSU, Gísli Valtýsson, f.h. Félags eldri borgara, Svanhildur Guðlaugsdóttir, f.h. Hollvinasamtakanna, Sigurhanna Friðþórsdóttir, f.h. aðstandenda og Jón Pétursson, f.h. Vestmannaeyjabæjar.

Húsnæði hjúkrunarheimilisins Hraunbúða:

Í kjölfar eldgossins í Vestmannaeyjum 1973, gáfu skandinavísk félagasamtök og ýmis félagasamtök á vegum Rauða krossins, Vestmannaeyjum dvalarheimilið Hraunbúðir við Dalveg 3. Húsið var afhent Vestmannaeyjabæ til eignar haustið 1974. Umrætt húsnæði var tæpir 2.000 fermetrar að stærð þegar starfsemin hófst. Árið 1990 var byggð ný álma við Hraunbúðir. Við þá breytingu var komið upp nýju og fullkomnu eldhúsi með stórum og góðum borðsal. Árið 1997 var aðstaðan bætt verulega. Ný og bætt aðstaða var svo tekin í notkun árið 2000. Árið 2018 var ráðist í endurbætur á matsal og komið upp betri aðstöðu fyrir dagdvöl. Árið 2017-18 var viðbygging reist við austurhluta Hraunbúða. Í dag eru Hraunbúðir um 2.600 fermetrar að stærð. Starfsemin sem þar fer fram skiptist í hjúkrunarheimili, sem starfrækt er af Heilbrigðisstofnun Suðurlands og dagdvalarþjónustu, sem Vestmannaeyjabær starfrækir.

Vestmannaeyjabær hefur borið kostnað af framkvæmdum við stækkun og breytingar á Hraunbúðum, en Framkvæmdasjóður aldraðra hefur styrkt lítillega sumar af þeim framkvæmdum í gegnum tíðina.

Kveðið er á um kostnaðarskiptingu ríkis og sveitarfélaga við byggingu og búnað hjúkrunarheimila í 32. gr. laga nr. 40/2007, um heilbrigðisþjónustu. Þar segir að hlutverk sveitarfélaga í kostnaði við byggingu og búnað hjúkrunarheimila skal vera 15% af stofnkostnaði. Sveitarfélög láta í té lóðir undir byggingar, ríkissjóði að kostnaðarlausu og án greiðslu gatnagerðargjalda og lóðarleigu. Eignarhlutur hvors aðila um sig skal vera í samræmi við kostnaðarhlutdeild, þ.e. 85% eign ríkisins og 15% eign sveitarfélagsins.

Tillaga bæjarstjórnar

Bæjarstjórn leggur til að bæjarstjóra og formanni bæjarráðs verði falið að óska eftir samtali við heilbrigðisráðherra og fjármálaráðherra um byggingu nýs hjúkrunarheimilis í Vestmannaeyjum samkv. kostnaðarskiptingu ríkis og sveitarfélaga við byggingu og búnað hjúkrunarheimila í 32. gr. laga nr. 40/2007, um heilbrigðisþjónustu.

Hraunbúðir hefur þjónað hlutverki sínu vel í bráðum 50 ár. Kröfur samtímans kalla hins vegar á bætta aðstöðu, stór hluti hússins er kominn til ára sinna. Það er því orðið tímabært að huga að byggingu á nýju hjúkrunarheimili, líta til fleiri staðsetninga og horfa til samlegðaráhrifa með þjónustu og húsnæði. Þannig mætti byggja upp heildstæðari þjónustu við aldraða, sem uppfyllir kröfur nútímans m.a. með tilliti til hjúkrunarheimilis, dagdvalarþjónustu, þjónustumiðstöð aldraðra og stuðningsþjónustu við íbúa í heimahúsum. Sveitarfélög sinna ákveðnum þáttum í nærþjónustu í samstarfi við ríkið en ríkið ber þó alltaf ábyrgð á hjúkrunarþjónustu og hjúkrunarheimilum.

Vestmannaeyjabær hefur mikinn metnað við að gera vel í þjónustu við aldraða. Margt gott er gert en nauðsynlegt er að horfa til framtíðar.
Fundargerðir til staðfestingar

Nýjustu fréttir

Áhugavert
Áhugavert
Hátt í 50 metrar á Stórhöfða
Bæjarmálin
Samgöngur  við Eyjar settar í hættu?
Úr blaði Eyjafrétta
Gamla myndin – Kartöflugarðar í Eyjum 
Fréttir
Landsbankinn og N1 bætast í hluthafahóp Eyjaganga
Áhugavert
Eló heldur tónleika í Eyjum
Vinnslustöðin
Þórunn Sveinsdóttir VE kveður Eyjar
Tímamót
Rauði krossinn í Eyjum fagnaði 85 árum með opnu húsi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.