Taka þátt í hljóðleikrita keppni
Eyþór Viðarsson og Hem Cleveland

Skötuhjúin Eyþór Viðarsson og Hem Cleveland hafa um nokkurra ára skeið verið að semja saman tónlist. „Þetta er eitthvað sem við bara gerum okkur til gamans, þannig við höfum í gegnum tíðina samið þrjú lög, en erum að vinna í fjórða, og lang stærsta hingað til,“ sagði Eyþór. Hann segir best að lýsa tónlistinni sem sungnum vísum. „Fyrsta lagið var vísa sem ég las fyrir hópinn, Hem söng vísuna til baka og við börðum hana til þar til við vorum kominn með lag. Seinna bætti vinur okkar Travis Vengroff, við tónlist.“

Eyþór segir að um svokölluð Spunahljóðleikrit á netinu sé að ræða. „Leikritið okkar heitir The Lucky Die (TLD) og við höfum verið að framleiða það í þrjú ár. Við tökum einnig þátt í öðrum leikritum og kemur lagið okkar úr leikriti sem heitir Dark Dice.“

Fyrsta og eina íslenska lagið
Þau taka um þessar mundir þátt í Audioverse Awards sem er Hljóðleikrita keppni þar sem er keppt í mörgum mismunandi flokkum. Framlag þeirra er fyrsta og eina íslenska lagið í keppninni. „Við höfum verið tilnefnd í tveimur flokkum. Í einum fyrir lagið okkar sem við sömdum fyrir Dark Dice og hún Hem í öðrum fyrir vinnu hennar sem hlutverka leikstjóri á The Lucky Die undir ritnafninu “Volonda” í sínum flokk fyrir leikstjóra.“

Eyþór Viðarsson og Hem Cleveland

Eyþór segir Audioverse Awards (AVA) ekki stærsta keppni sem í boði er en samt sem áður mjög spennandi fyrir þau að vera þátttakendur en rúmlega 500.000 mans kusu í undanúrslitunum. „Það eru mjög margir flokkar sem hægt er að sjá á heimasíðunni þeirra, síðan eru þrjár kosningar. Fyrsta eru tilnefningar, önnur eru undanúrslit þar sem allir flokkar eru kosnir niður í top 10 og síðan loka kosningar. Við vorum í fjórum flokkum í undanúrslitum komust áfram í tveimur. Kosningarnar eru opnar til 5. des.“

Hægt er að kjósa á meðfylgjandi hlekk https://audioverseawards.net/vote/
Og hér er hægt að hlusta á lagið https://carelessjuja.bandcamp.com/track/funeral-song-1

Öll atkvæði vel þegin
Eyþór segir keppnina fyrst og fremst snúast um kynningu og viðurkenningu. „Sigurinn færir manni aðallega bara mont og grobb réttindi. Að geta staðið með öðrum risum í hljóðleikrita heiminum hjálpar stórkostlega þegar það kemur að því að stækka áhlustenda hóp okkar, margir skoða AVA til að finna ný hljóðleikrit til að hlusta á. Síðan er ekki leiðinlegt að geta sagt að hljóðleikritið okkar er verðlaunahafi. Öll atkvæði eru vel þegin, okkur langar svakalega að vinna þessa keppni,“ sagði Eyþór að lokum.

Nýjustu fréttir

Áhugavert
Mugison, saft í brúsa og pönsur á Skansinum
Áhugavert
Grjóthrun við Friðarhöfn
Bæjarmálin
Lægsta tilboð í svið á Vigtartorgi 10,6 milljónum yfir áætlun
Aðsend grein
Upplýsingaóreiða formanns utanríkismálanefndar
Áhugavert
Rauðáta gæti orðið ný atvinnugrein
Fréttir
Lögreglan minnir á mikilvægi umferðaröryggis á Orkumótinu
Fréttir
Fiskibátur vélarvana við Vestmannaeyjar
Íþróttir
Orkumótið hefst á morgun
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.