Þórhallur Heimisson prestur í Hafnarfirði mun leiða L-lista fullveldissinna í Suðvesturkjördæmi. Þetta var ákveðið á fundi í gærkvöldi en unnið er að röðun framboðslista flokksins sem mun bjóða fram í fyrsta sinn í komandi alþingiskosningum. Ekki hefur verið ákveðið hver leiðir L-listann í Suðurkjördæmi en Bjarni Harðarsson, bóksali og fyrrverandi alþingismaður, skipar efsta sæti listans í Reykjavíkurkjördæmi norður. Stefnt er að því að röðun á lista verði lokið um mánaðamótin.