Day: 14. desember, 2007

Söguleg fjárhagsáætlun, en vandi fylgir vegsemd hverri

Nú fyrr í kvöld fór fram fyrri umræða um fjárhagsáætlun samstæðu Vestmannaeyjabæjar fyrir árið 2008.  Óhætt er að fullyrða að aldrei í sögu sveitarfélagsins hefur slík áætlun verið lögð fram.  Það er alveg ljóst að slagkraftur samfélagsins til framtíðar er mikill.  Það er líka ljóst að vandi fylgir vegsemd hverri. Niðurstöður fjárhagsáætlunar samstæðu sýna rekstrarhagnað […]

Báðum ferðum Herjólfs aflýst

Nú hefur verið tekin ákvörðun þess efnis að báðum ferðum Herjólfs hefur verið aflýst og mun skipið því ekki sigla seinni partinn. Fyrri ferð Herjólfs var aflýst í morgun en næsta ferð skipsins verður þá farin samkvæmt áætlun á morgun, laugardag. (meira…)

Grunur um íkveikju í Eyjum

Samkvæmt upplýsingum frá varðstjóra hjá lögreglunni í Vestmannaeyjum leikur grunur á að um íkveikju hafi verið að ræða þegar kviknaði í gamla Fiskiðjuhúsinu í Vestmannaeyjum í nótt. Tilkynnt var um eldinn um klukkan hálf fjögur í nótt en þegar slökkvilið kom á vettvang reyndist eldurinn ekki mikill þó að talsverður reykur hafi myndast. Vitað er […]

Engar samgöngur til né frá eyjum í dag

Samkvæmt upplýsingum frá Flugfélagi Íslands hefur verið tekin ákvörðun um að aflýsa öllu flugi félagsins til Vestmannaeyja í dag vegna veðurs. Einnig hefur verið ákveðið að Herjólfur fari ekki seinniferð sína í dag vegna veðurs.   (meira…)

Vitlaus mynd í fasteignaauglýsingu

Vegna mistaka birtist vitlaus mynd í fasteignaauglýsingu í Vaktinni fyrir tveimur vikum. Þar var auglýst til sölu húsnæði við Bárustíg 1 en mynd birtist af rangri hlið hússins, sem ekki er til sölu. Myndin birtist af versluninni Jazz, sem er ekki til sölu. (meira…)

Athugað með seinniferð Herjólfs kl 14:00

Skrifstofa Herjólfs hefur sent frá sér tilkynningu um að athugað verður með seinniferð Herjólfs í dag klukkan 14:00. Farþegar eru vinsamlegast beðnir að hafa samband í síma 481-2800 til að fá frekari upplýsingar. (meira…)

Eldur kom upp í Fiskiðjunni

Eldur kviknaði í gömlu frystihúsi í Vestmannaeyjum í nótt. Að sögn lögreglu var tilkynnt um eldinn um kl. 3:30. Slökkviliðsmenn fóru á vettvang skömmu síða og slökktu eldinn sem var ekki mikill. Talsverður reykur myndaðist hinsvegar. Frystihúsið hefur ekki verið í notkun lengi. Að sögn lögreglu er ekki mikið um verðmæti í Fiskiðjunni gömlu. Hinsvegar […]

Fyrri ferð Herjólfs aflýst í dag

Vegna óveðursins sem nú geysar hefur verið ákveðið að aflýsa fyrri ferð Herjólfs en Herjólfur átti að leggja úr höfn nú rúmlega átta. Þá verður athugað með síðari ferð skipsins klukkan 14:00. Vindhraði á Stórhöfða klukkan sjö í morgun var 29 metrar á sekúndu en mestu hviður fóru upp í 38 metra. (meira…)

Mikill eldur kom upp í Fiskiðjunni í nótt

Rétt uppúr klukkan hálf fjögur í nótt var slökkvilið í Vestmannaeyjum kallað að húsi Fiskiðjunnar, vestuhúsi sem áfast er gamla Ísfélaginu, og var mikill eldur í sal á annarri hæð þegar að var komið. Ekki er vitað um eldsupptök en lögreglan rannsakar mannferðir í Fiskiðjunni í nótt. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.