Eldur kviknaði í gömlu frystihúsi í Vestmannaeyjum í nótt. Að sögn lögreglu var tilkynnt um eldinn um kl. 3:30. Slökkviliðsmenn fóru á vettvang skömmu síða og slökktu eldinn sem var ekki mikill. Talsverður reykur myndaðist hinsvegar. Frystihúsið hefur ekki verið í notkun lengi.

Að sögn lögreglu er ekki mikið um verðmæti í Fiskiðjunni gömlu. Hinsvegar hafa ungmenni notað húsið til hljómsveitaræfinga og ekki vitað á þessari stundu með hljóðfæri ungmennanna.

Slökkvistarf tók um klukkustund. Eldsupptök eru ókunn og er málið í rannsókn.