Day: 30. desember, 2009

Fargjöld Herjólfs hækka um 10 prósent

Fargjöld Herjólfs hækka um 10 % nú um áramótin. Ferðum verður fækkað um tvær frá og með 13. janúar. Guðmundur Pedersen forstöðumaður innanlandssviðs Eimskips sagði þetta í samræmi við rekst­rarstöðu og forsendur rekstrarsamnings og háð ákveðnum vísitölu- og kostnaðarhækkunum. Hækkunin tekur mið að breytingum á verðlagi ársins 2008. (meira…)

Eftir að binda ýmsa lausa enda

Það skýrist á nýju ári hvort verður af kaupum Vinnslu­stöðvarinnar á togar­anum Rex HF 24. Vinnslustöðin hefur gert tilboð í skipið sem er hluti af þrotabúi og hefur skiptastjóri samþykkt tilboðið. Enn á þó eftir að binda nokkra lausa enda og Vinnslustöðin á eftir að gera lokaúttekt á skipinu. „Það er rétt að við erum […]

Opinn fundur sjómanna í Alþýðuhúsinu í kvöld

Fundur sem Sjómannafélagið Jötunn hefur auglýst undanfarið verður í Alþýðuhúsinu klukkan átta í kvöld. Fundurinn er opinn öllum sjómönnum í Vestmannaeyjum og hvetja forsvarsmenn félagsins alla sjómenn að mæta á fundinn til skrafs og ráðagerða. (meira…)

Allt að verða klárt fyrir tónleikana í kvöld

Nú er allt að verða klárt fyrir stórtónleika Hoffman sem haldnir verða í Kiwanis í kvöld. Hoffmanliðar lofa þéttum lagalista þar sem nýju lögin af plötunni Your secrets are safe with us fá að fljóta í bland við eldra efni. Húsið opnar klukkan 21.00 en Sæþór Vídó mun hita mannskapinn upp með flutningi á eitthvað […]

Gullberg VE fékk í skrúfuna

Gullberg VE292 frá Vestmannaeyjum fékk troll í skrúfuna þegar skipið var að veiðum um 150 sjómílur suðvestur af landinu. Skipið var á karfaveiðum en það er í eigu Vinnslustöðvarinnar í Eyjum. Annað skip útgerðarinnar, Jón Vídalín VE82 er nú með Gullbergið í togi og á leið til hafnar í Vestmannaeyjum og er skipverjum engin hætta […]

Eyjamenn með stærstu brennuna á höfuðborgarsvæðinu

Íbúar í Þingahverfi í Kópavogi standa fyrir áramótabrennu sem tendruð verður á Gamlárskvöld. Og auðvitað eru það Vestmannaeyingar sem búa í hverfinu sem hafa sett brennuna saman en í þeim hópi eru vanir brennupeyjar. Brennan er orðin fimm metrar á hæðina og 8 metrar að lengd og er hlaðin upp eins og Þjóðhátíðarbrenna. Brennan er […]

Reyndi að stinga lögregluna af

Við reglubundið eftirlit með komu Herjólfs í gærkvöldi hafði lögreglan afskipti af ökumanni bifreiðar og farþega hennar vegna gruns um fíkniefnamisferli. Bifreiðin var færð á lögreglustöðina þar sem eigandi hennar sem jafnframt var ökumaður hennar samþykkti leit í henni. Þegar fíkniefnahundurinn Luna var að leita í bifreiðinni tók ökumaður bifreiðarinnar til fótanna og hljóp frá […]

Stærsta flugeldabingó frá upphafi

Í gær hélt handknattleiksdeild ÍBV sitt árlega flugeldabingó. Bingóið var gríðarlega vel sótt, um 400 freistuðu gæfunnar en allir vinningar voru fengnir hjá Björgunarfélagi Vestmannaeyja, sem sér um flugeldasöluna í bænum í ár. Tíu vinningar voru í boði en þann stærsta hlaut Davíð Þór Óskarsson. (meira…)

Coppell sagðist sjá Doyle þegar hann sá mig spila

Framherjinn Gunnar Heiðar Þorvaldsson, sem mun ganga til liðs við enska 1. deildarliðið Reading á lánssamningi frá Esbjerg þann 1. janúar næstkomandi, segist vera betri leikmaður en þegar hann varð markakóngur sænsku úrvalsdeildarinnar með Halmstad árið 2005. Hann segist hafa beðið lengi eftir því að fá tækifæri til að spila á Englandi og ætlar hann […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.