Day: 19. janúar, 2010

24 ferðir á viku yfir vetrartímann og 38 á viku yfir sumarið

Bæjarráð Vestmannaeyja gerði sér lítið fyrir og útbjó á fundi sínum drög að áætlun og gjaldskrá Herjólfs fyrir Landeyjahöfn. Bæjaryfirvöld í Vestmannaeyjum hafa gagnrýnt samgönguyfirvöld undanfarið fyrir seinagang varðandi skipulagningu ferða í hina nýju höfn sem áætlað er að opna 1. júlí næstkomandi. Samkvæmt áætlun Vestmannaeyjabæjar mun kosta 600 krónur fyrir fullorðinn einstakling og 1200 […]

Suðurlandsslagur í beinni á netinu

Næstkomandi föstudag verður sannkallaður stórleikur í 1. deildinni í handboltanum hér á fróni þegar suðurlandsliðin Selfoss og ÍBV eigast við. Leikir liðanna hafa alltaf verið miklir baráttuleikir þótt hlutskipti liðanna hafi oft á tíðum verið misjafnt. En nú berjast bæði lið í toppbaráttu 1. deildar og ekkert nema sigur sem kemur til greina. Leikurinn fer […]

Leikmönnum ÍBV boðið til reynslu til Grimstadt

Norska úrvalsdeildarliðið í knattspyrnu, Grimstadt, hefur sent formlegt boð fyrir tvær knattspyrnukonur hjá ÍBV, þær Kristínu Ernu Sigurlásdóttur og Elísu Viðarsdóttur um að æfa með liðinu þegar tímabilinu lýkur í haust á Íslandi. Þær eiga ekki langt að sækja hæfileikana en Elísa er systir Margrétar Láru, landsliðskonu og Kristín Erna er dóttir Sigurlásar Þorleifssonar, fyrrum […]

Hægt að fylgjast með leikjum EM á Volcano

Nú styttist óðum í nýtt handboltafár á Íslandi en í kvöld leikur íslenska karlalandsliðið gegn Serbíu á Evrópumeistaramótinu í Austurríki. Fyrirfram er búist við erfiðum leik, þótt íslenska liðið sé af mörgum talið sigurstranglegra. Leikirnir verða í beinni útsendingu Ríkissjónvarpsins en fyrir þá sem vilja horfa á leikina í alvöru stemmningu, þá verða leikjunum varpað […]

Margrét Lára næst markahæst á æfingamóti

Margrét Lára Viðarsdóttir, knattspyrnukona varð næst markahæst á alþjóðlegu æfingamóti sem fór fram í Þýskalandi á dögunum. Kristianstad, lið Margrétar kom nokkuð á óvart og varð í öðru sæti mótsins, sem var nokkuð sterkt. Liðið tapaði fyrir þýska liðinu Potsdam í úrslitaleik 1:4 en Margrét var á sínum tíma til reynslu hjá þýska félaginu. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.