Day: 23. mars, 2010

Eyjamenn komnir með þátttökuleyfi

Í dag var tekin fyrir leyfisumsókn knattspyrnuliðs ÍBV ásamt sjö öðrum félögum í tveimur efstu deildum Íslandsmóts karla. Leyfisráð KSÍ veitti ÍBV þátttökuleyfi án athugasemda en aðeins ÍBV og Breiðablik fengu slíka niðurstöðu á meðan gerð var athugasemd við umsóknir hinna félaganna sex. (meira…)

Til hamingju íslenska þjóð

Ég hef haft töluverðar áhyggjur af því í langan tíma að þessi nýja vinstri stjórn væri ekki alveg að standa sig (og hef þær enn). En þess vegna er það einmitt mikið ánægjuefni að þetta skötusels frumvarp sé loksins komið í gegn og alveg ljóst að eftir að svokölluð skötuselslína var felld út úr frumvarpinu, […]

Mikið að gera við að aðstoða ölvað fólk

Nokkur erill var hjá lögreglu um helgina og þó nokkuð um að aðstoða þyrfti fólk sökum ölvunarástands þess. M.a. þurfti að flytja fólk á Heilbrigðisstofnun Vestmannaeyja vegna áverka eftir byltur. Þá var eitthvað um kvartanir vegna ónæðis, bæði vegna hávaða frá heimahúsum og hávaða utan dyra. (meira…)

Innan við hundrað dagar í Landeyjahöfn

Á vef Vestmannaeyjabæjar, www.vestmannaeyjar.is hefur síðasta árið eða svo verið teljari sem telur niður þangað til siglingar í Landeyjahöfn hefjast. Miðað er við að siglingar hefjist 1. júlí næstkomandi en í hádeginu í dag fór teljarinn niður fyrir 100 daga markið. Nú eru því innan við 100 dagar í að siglingar hefjist og hver dagur […]

Georg í miðstjórn Frjálslyndra

Landsþing Frjálslynda flokksins fór fram um helgina í Reykjavík en á þinginu var m.a. skipt um formann en Guðjón Arnar Kristjánsson vék til hliðar. Sigurjón Þórðarson, fyrrum þingmaður flokksins tekur við sem formaður en einn Eyjamaður er í miðstjórn flokksins. Georg Eiður Arnarson tekur sæti í miðstjórninni en Hanna Birna Jóhannsdóttir, sem hefur verið ritari […]

Vinur litlu barnanna

Ég horfi í augun á syni mínum og hugsa „þvílíkt kraftaverk að ég skuli eiga þessa litlu manneskju“, út frá því hugsa ég til 2008 þegar ég var send með sjúkraflugi í mars í s-20m/sek til þess eins að koma honum í þennan stóra heim sem beið hans. Það kom ekki til að ég hugsaði […]

Orku­bóndinn í Eyjum

Áhugamenn um virkjun orku, hvort sem um er að ræða virkjun bæjarlækjar, hitareits, vindgnauðs, sólar eða jafnvel fjóshaugs, geta sótt námskeiðið Orkubóndinn sem Nýsköpun­ar­miðstöð Íslands stendur fyrir í Eyjum í dag, þriðjudaginn 23. mars. Á námskeiðinu hér í Eyjum verður sérstök áhersla lögð á virkjun með varmadælum, vind­myllum og einnig með öldum og sjávarföllum. (meira…)

Eldgosið jafnt og stöðugt

Eldgosið á Fimmvörðuhálsi hefur verið jafnt og stöðugt í nótt að sögn Gunnars B Guðmundssonar jarðeðlisfræðings á veðurstofu íslands. Krafturinn hefur ekki aukist eins hann gerði hægt og bítandi í gær, heldur staðið í heildina í stað í nótt. Sveiflur eru þó í gosinu. Slæmt veður er á Suðurlandi og veðurspáin er slæm. (meira…)

Búfjáreigendum bent á að fylgjast vel með öskufalli í Eyjum

Vestmannaeyjabær vill beina þeim tilmælum til búfjáreigenda að huga vel að mögulegu öskufalli vegna eldgoss í Eyjafjallajökli og gera tilheyrandi ráðstafanir. Búfjáreigendum á áhrifasvæði eldgosins er bent á að fylgjast grannt með mögulegu öskufalli, t.d. með því að leggja út hvítan disk. Verði vart við öskufall er mikilvægt að hýsa það búfé sem er við […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.