Day: 14. maí, 2012

ÍBV fær markvörð frá Rangers

Khym Ramsay, markvörður frá Rangers í Skotlandi, hefur fengið leikheimild með ÍBV og getur spilað með liðinu í næstu umferð Pepsi-deildar kvenna í knattspyrnu. Ramsay er 23 ára gömul og var á dögunum kölluð inní skoska landsliðshópinn í fyrsta skipti, fyrir vináttulandsleik gegn Pólverjum. Hún sat á varamannabekknum í 3:1 sigri skoska liðsins í Gdansk. […]

Heimaey VE væntanlega á morgun

Nýtt og glæsilegt skip Ísfélagsins, Heimaey VE 1, er væntanlegt til heimahafnar í Vestmannaeyjum á morgun, þriðjudag. Siglingin heim frá Chile, þar sem skipið var smíðað, hefur gengið vel og samkvæmt upplýsingum sem fengust á skrifstofu Ísfélagsins er ekki búist við öðru en að skipið verði á réttum tíma í Eyjum. Áætlað er að Heimaey […]

�?rír úr ÍBV á úrtaksæfingar í handbolta

Þrír Eyjapeyjar, þeir Dagur Arnarsson, Nökkvi Dan Elliðason og Hákon Daði Styrmisson, hafa verið valdir til úrtaksæfinga með U-16 ára landsliði Íslands í handbolta. Æfingarnar fara fram í Reykjavík seinna í þessum mánuði en þjálfari liðsins er Selfyssingurinn Einar Guðmundsson. (meira…)

Farmur féll af vörubifreið og á aðra bifreið

Það var frekar rólegt hjá lögreglu í vikunni sem leið og rólegt í kringum skemmtistaði bæjarins. Eitthvað var um tilkynningar vegna foks vegna norðanbálsins sem gekk yfir landið í byrjun vikunnar, en ekkert tjón hlaust af því. Alls voru fimm umferðaróhöpp tilkynnt til lögreglu í vikunni sem leið sem verður að teljast nokkur fjöldi miðað […]

Margrét Lára á förum frá Turbine Potsdam

Flest bendir til þess að landsliðskonan Margrét Lára Viðarsdóttir sé á leið frá þýska félaginu Turbine Potsdam. Markadrottningin er orðuð við sitt gamla félag Kristianstad í Kristianstadsbladed í dag. „Það er ekkert launungarmál að við erum í leit að nýjum sóknarmanni og Sofia Jakobsson er á þeim lista,” segir Mathias Morack forráðamaður Potsdam liðsins sem […]

Herjólfur siglir samkvæmt áætlun í dag mánudag

Brottfor í fyrstu ferð kl. 08:00 og gert ráð fyrir því að Herjóflur siglir samkvæmt áætlun í dag, mánudag. Farþegar eru vinsamlega beðnir að fylgjast með fréttum á herjolfur.is, facebook síðu Herjólfs og síðu 415 í Textavarpi. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.